मोटारीच्या धडकेत दोन उच्चशिक्षित तरुण ठार, तरुणी जखमी

भरधाव मोटारीने दिलेल्या धडकेत दुचाकीवरील दोन तरुणांचा जागीच मृत्यू झाला. तर त्यांच्यासोबत असलेली युवती गंभीर जखमी झाली.

पुणे/विमाननगर : भरधाव मोटारीने दिलेल्या धडकेत दुचाकीवरील दोन तरुणांचा जागीच मृत्यू झाला. तर त्यांच्यासोबत असलेली युवती गंभीर जखमी झाली. हा अपघात मंगळवारी मध्यरात्री घडला. याप्रकरणी येरवडा पोलिसांनी मोटारचालकाविरुद्ध गुन्हा दाखल केला आहे. मृतांमध्ये उच्च शिक्षित तरुणांचा समावेश असून जखमी तरुणी मुळची दुबईची आहे.एरीक जोसेफ रॉड्रिक्स (वय २५, रा. मोझेसवाडी, वडगावशेरी) व अमेय रविशेखर आखारे (वय २५, रा. वाघेश्वरनगर, वाघोली) अशी मृत्युमुखी पडलेल्यांची नावे आहेत. तर सॅनियन कोलन (वय २१, रा. गणेशनगर, दापोडी) ही तरुणी गंभीर जखमी झाली. रॉड्रीक्स हा संगणक अभियंता असून टेक महिंद्रा कंपनीमध्ये नोकरी करीत होता. तर आखारे हा त्याचा मित्र होता. त्याचे शिक्षण डिप्लोमापर्यंत झालेले असून तो मूळचा नागपूरचा होता. सॅनियन ही मुळची दुबईची असून ती शिक्षणासाठी पुण्यात आलेली आहे. तिचे आईवडील दुबईमध्ये व्यवसाय करतात. सध्या ती मावशीकडे राहण्यास आहे.येरवडा पोलिसांनी दिलेल्या माहितीनुसार, ख्रिसमस असल्याने आखारे आणि सॅनियन हे दोघे मंगळवारी रात्री रॉड्रीक्सला शुभेच्छा देण्यासाठी त्याच्या घरी गेले होते. घरी जेवण केल्यानंतर रॉड्रीक्स, आखारे एकाच दुचाकीवरून सॅनियनला सोडण्यासाठी तिच्या घरी निघाले होते. मध्यरात्री दीडच्या सुमारास एकाच दुचाकीवरून ट्रीपल सीट, विनाहेल्मेट जात होते. ब्रह्मा सनसिटी, वडगावशेरी, आदर्शनगरकडून कल्याणीनगरकडे येत असतानाच समोरून भरधाव आलेल्या लाल रंगाच्या मोटारीची त्यांना धडक बसली. गंभीर जखमी झालेल्या तिघांना तातडीने स्थानिक नागरिकांनी उपचारासाठी खाजगी रुग्णालयात दाखल केले.उपचारापूर्वीच दोन्ही तरुणांचा मृत्यू झाल्याचे डॉक्टरांनी घोषित केले. तर सॅनियनवर उपचार सुरू आहेत. याप्रकरणी येरवडा पोलिसांनी अज्ञात मोटार चालकाविरुद्ध गुन्हा दाखल केला आहे. अधिक तपास सहायक पोलीस निरीक्षक गुरुदत्त मोरे करीत आहेत.पीएमपीच्या धडकेत तरुणाचा मृत्यू१ भरधाव पीएमपी बसची धडक बसल्यामुळे झालेल्या अपघातात मोटारसायकलस्वार प्रवेश रामदास कसबे (वय २१, रा. देवगिरीनगर, वाळूंग, औरंगाबाद) यांचा मृत्यू झाला. तर विशाल विजय सत्तावान-राजपूत (वय १९, रा. राजनगाव, औरंगाबाद) हा जखमी झाला. हा अपघात मंगळवारी संध्याकाळी साडेसातच्या सुमारास घडला. याप्रकरणी जय एकनाथ रोरे (वय २१, रा. बजाजनगर, वाळूंज, औरंगाबाद) यांनी फिर्याद दिली आहे. चतु:शृंगी पोलिसांनी अज्ञात पीएमपी बसचालकाविरुद्ध गुन्हा दाखल करण्यात आला आहे.हडपसरला पादचारी मृत्युमुखी२ अज्ञात मोटारीची धडक बसल्यामुळे झालेल्या अपघातात पादचारी रमाकांत बलवंत मोतीवाले (वय ४०, रा. लक्ष्मी कॉलनी, हडपसर) यांचा उपचारांदरम्यान मृत्यू झाला. हा अपघात रविवारी संध्याकाळी सहाच्या सुमारास त्यांच्या घराजवळच घडला होता. रस्त्याने पायी जात असताना अज्ञात मोटारीची त्यांना धडक बसली होती. गंभीर जखमी झाल्याने त्यांच्यावर रुग्णालयात उपचार सुरू होते. त्यांचा उपचारादरम्यान मंगळवारी मृत्यू झाला. या प्रकरणी राहुल घारोळे (वय २२) यांनी फिर्याद दिली असून हडपसर पोलिसांनी अज्ञात आरोपीविरुद्ध गुन्हा दाखल केला आहे.पोलिसांना अपघाताच्या ठिकाणी सीसीटीव्ही फुटेज मिळाले आहे. लाल रंगाच्या मोटारीने त्यांना धडक दिल्याचे दिसत आहे. मात्र, हे फुटेज अस्पष्ट असल्याने मोटारीचा क्रमांक समजत नाही. त्यामुळे पोलिसांच्या तपासात अडचणी येत आहेत.