काटेवाडी : संतश्रेष्ठ जगद्गुरू तुकाराम महाराज पालखी सोहळ्याचे उत्साहात धोतराच्या पायघड्या अंथरून स्वागत करण्यात आले आहे .गावच्या वेशीवरून ग्रामस्थ व युवकानी पालखी खांद्यावरून दर्शनमंडपात नेण्यात आली . यावेळी पुडलिक वरदे हरि विठ्ठल... श्री ज्ञानदेव तुकाराम चा गजर करण्यात आला. परीट समाज बांधवांच्या वतीने स्वागतासाठी पांढरेशुभ्र धोतराच्या पायघड्या अंथरल्या. यावेळी ग्रामस्थ तरुणही मोठ्या संख्येने स्वागतासाठी सहभागी झाले होते. श्री छत्रपती हायस्कूल च्या विद्यार्थीनीचे लेझीम पथक स्वागताच्या अग्रस्थानी होते. ग्रामस्थानी व विविध संस्थेच्या वतीने रस्त्यावर ठिकठिकाणी स्वागत कमानी उभारल्या आहेत. वाद्याच्या गजरात दुपारी १२ च्या दरम्यान पालखी ओटा येथे संत तुकाराम महाराज पालखी सोहळा दुपाऱ्याच्या विसावासाठी काटेवाडी विसावला. यावेळी दर्शन मंडपात दर्शनासाठी परिसरातील ग्रामस्थ व भाविकांनी मोठी गर्दी केली होती. ठिकठिकानी वारकऱ्यांना मिष्ठान्न भोजन देण्यात आले.
पुंडलिक वरदे हरी विठ्ठल...' तुकोबांच्या पालखीचे काटेवाडीत धोतराच्या पायघड्या अंथरून स्वागत
By ऑनलाइन लोकमत | Published: June 29, 2022 3:31 PM