चाकण : पुणे-नाशिक महामार्गावर कुरुळी गावच्या हद्दीत आळंदी फाट्यावर दुचाकीला ट्रकने धडक दिल्याने झालेल्या अपघातात महिला कामगार जागीच ठार झाली आहे. ही घटना आज ( दि. ९ ) सायंकाळी सहा वाजण्याच्या सुमारास घडली. उषा कैलास काळे (वय २५, रा. गवतेवस्ती, मेदनकरवाडी, चाकण, मुळगाव - बुमराळा, ता. लोणार, जि. बुलढाणा) असे अपघातात ठार झालेल्या महिलेचे नाव आहे. उषा ह्या आळंदी फाट्यावरील राधेश्याम एंटरप्रायजेस या कंपनीतून कामावरून सुटून आपल्या आतेभावाच्या दुचाकीवरून ( क्र. एम.एच. १४-एफ एफ- ६५२२) घरी जात होत्या. यावेळी एन टी बी कंपनीजवळ पाठीमागून आलेल्या ट्रकची (क्र. एम.एच.१२- डीटी- ५४७५ ) जोरदार धडक बसल्याने त्या दुचाकीवरून खाली पडल्या. त्यांच्या अंगावरून ट्रक गेल्याने चेंदामेंदा होऊन त्या जागीच ठार झाल्या.
ट्रकच्या धडकेत महिला जागीच ठार
By admin | Published: January 10, 2017 2:46 AM