रायगड : मुंबई- पुणे द्रुतगती महामार्गावर खालापूरजवळ खासगी बस आणि मालवाहू ट्रक यांच्यात भीषण अपघात झाला. या अपघातात दोघांचा मृत्यू झाला असून 20 जण जखमी झाले आहेत.मिळालेल्या माहितीनुसार, एका खासगी बसमधून प्रवासी सहलीसाठी वसईहून महाबळेश्वरला जात होते. यावेळी मुंबई- पुणे द्रुतगती महामार्गावर खालापूरजवळ बस आणि मालवाहू ट्रक यांच्यात अपघात झाला. यामध्ये दोघांचा मृत्यू झाला असून 20 जण जखमी झाले आहेत. दरम्यान, पोलीस आणि बचाव पथक घटनास्थळी पोहोचले असून जखमींना जवळच्याच रुग्णालयात दाखल करण्यात येत आहे.
मुंबई-पुणे महामार्गावर अपघात, दोघांचा मृत्यू तर 20 जण जखमी
By ऑनलाइन लोकमत | Published: May 20, 2019 10:48 AM