खोपोली रेल्वे ट्रॅकवर लोकल खाली येऊन एकाचा मृत्यू

कर्जतवरून खोपोलीकडे येणाऱ्या लोकलखाली येऊन आज एका व्यक्तीचा मृत्यू झाला आहे.

अलिबाग : कर्जतवरून खोपोलीकडे येणाऱ्या लोकलखाली खोपोलीतील एका व्यक्तीचा मृत्यू झाल्याची घटना सोमवारी ७ नोव्हेंबर रोजी सकाळी १० वाजण्याच्या सुमारास घडली आहे. मृताची ओळख पटली असून खोपोलीत राहणारा संतोष जाधव असे नाव असून खालापूर पंचायत समिती मधील एकात्मिक बाल विकास विभागात ते कार्यरत होते. 

खोपोली रेल्वे स्टेशनपासून १०० मीटर अंतरावर रहाटवडे येथील पातळगंगा नदीवरील रेल्वे पुला लगत कर्जत कडून खोपोली कडे रेल्वे येत होती. त्यावेळी संतोष जाधव यांना रेल्वेची धडक लागून ते जागीच ठार झाले. अपघात घडल्यानंतर कर्जत रेल्वे पोलिस व होमगार्ड पथक घटनास्थळी उपस्थित असून पुढील तपास करीत आहे. जाधव यांचा झालेला हा अपघात आहे की आत्महत्या याबाबत स्पष्टता कळलेली नाही आहे.