मुंबई-गोवा महामार्गावर भीषण अपघात, 9 जणांचा मृत्यू
By ऑनलाइन लोकमत | Published: January 19, 2023 08:23 AM2023-01-19T08:23:47+5:302023-01-19T08:24:33+5:30
रायगडजवळील रेपोली गावाजवळ इको कार आणि ट्रकची समोरासमोर धडक झाली.
मुंबई-गोवा महामार्गावर भीषण अपघात, 9 जणांचा मृत्यू
Next मुंबई : मुंबई-गोवा महामार्गावर (Mumbai-Goa Highway) इको कार आणि ट्रकचा भीषण अपघात झाला. हा अपघातरायगडजवळील रेपोली गावाजवळ झाला असून यामध्ये 9 जणांचा मृत्यू झाल्याचे सांगण्यात येते.
मिळालेल्या माहितीनुसार, रायगडमधील गोरेगाव पोलीस ठाण्याच्या हद्दीत रेपोली गावाजवळ इको कार (MH- 48 BT8673) आणि ट्रकची (MH-43/U/7119) समोरासमोर धडक झाली. या अपघातात 9 जणांचा मृत्यू झाला. मृतांमध्ये चार महिला आणि पाच पुरुषांचा समावेश आहे. तर अपघातात एक चार वर्षांचा मुलगा जखमी झाला आहे. जखमी मुलाला उपचाराकरिता उपजिल्हा रुग्णालय माणगाव येथे पाठवले आहे. इको कारमधील प्रवासी हे एकमेकांचे नातेवाईक असून ते हेदवी (ता. गुहागर) येथे चालले होते.
दरम्यान, अपघाताची माहिती मिळताच, पोलिसांनी घटनास्थळी धाव घेत स्थानिक ग्रामस्थांच्या मदतीने बचावकार्य सुरू केले. तसेच, अपघातामुळे मुंबई-गोवा महामार्गावरील वाहतूक काही वेळ खोळंबली होती. त्यानंतर पोलिसांनी महामार्गावरील अपघातग्रस्त वाहने बाजूला करुन वाहतूक पूर्ववत केली.