म्हसळा : म्हसळा प्रेस क्लबचे अध्यक्ष, ‘लोकमत’चे वार्ताहर अमोल जंगम(३२) यांचे हदयविकाराच्या तीव्र धक्क्याने गुरुवारी सायंकाळी ६.४५ वा. निधन झाले. त्यांच्या पश्चात पत्नी, आईवडील, तीन भाऊ व पाच वर्षांचा मुलगा आहे. गुरुवारी सायंकाळी ५.३० वाजता त्यांना अस्वस्थ वाटू लागल्याने ते स्वत: डॉक्टरकडे जात होते, पेट्रोल टाकण्यासाठी पेट्रोल पंपावर गेले असता चक्कर येऊन खाली पडले तेथून त्यांना रिक्षातून घरी आणले. पुन्हा थोड्या वेळाने अस्वस्थ वाटू लागल्याने स्थानिक दवाखान्यात नेण्यात आले. तेथील डॉक्टरांनी पुढील उपचारासाठी रोहा येथे नेण्याचा सल्ला दिला. रोहा येथे नेत असताना ढोरजे गावानजीक त्यांची प्राणज्योत मालवली. जंगम यांच्या पार्थिवावर त्यांच्या मूळ गावी तोंडसूरे येथे शुक्रवार, १७ फेब्रुवारी रोजी सकाळी ११ वाजता अंत्यसंस्कार करण्यात येणार आहेत. (वार्ताहर)
अमोल जंगम यांचे निधन
By admin | Published: February 17, 2017 2:16 AM