मोठी बातमी: एसटी बसचालकाचे नियंत्रण सुटले, दरीकडे निघालेली बस झाडाला अडकली अन्...
By ऑनलाइन लोकमत | Published: July 15, 2024 09:48 AM2024-07-15T09:48:27+5:302024-07-15T09:49:03+5:30
बसमधील प्रवाशांना तातडीने बसच्या बाहेर काढण्यात आले.
![Big news ST bus driver lost control valley bound bus stuck to tree | मोठी बातमी: एसटी बसचालकाचे नियंत्रण सुटले, दरीकडे निघालेली बस झाडाला अडकली अन्... Big news ST bus driver lost control valley bound bus stuck to tree | मोठी बातमी: एसटी बसचालकाचे नियंत्रण सुटले, दरीकडे निघालेली बस झाडाला अडकली अन्...](https://d3pc1xvrcw35tl.cloudfront.net/images/420x315/alibaug-st-bus-accident-n1_2024071267140.jpg)
मोठी बातमी: एसटी बसचालकाचे नियंत्रण सुटले, दरीकडे निघालेली बस झाडाला अडकली अन्...
लोकमत न्यूज नेटवर्क, अलिबाग : अलिबाग वडखळ मार्गावर कार्ले खिंड येथील वळणावर एसटी बसला अपघात झाल्याची घटना आज सकाळी सव्वा आठ वाजण्याच्या सुमारास घडली. एका झाडाला बस अडकल्याने मोठा अनर्थ टळला. बसमधील प्रवासी हे सुखरूप असून सुदैवाने कोणीही जखमी नाही झाले. चालकाच्या निष्काळजीपणामुळे हा अपघात घडला आहे. पोलीस, जिल्हा प्रशासन, एसटी प्रशासन घटनास्थळी दाखल झाले होते.
अलिबाग आगारातून सकाळी पावणे आठ वाजता अलिबाग पनवेल ही बस प्रवाशांना घेऊन मार्गस्थ झाली होती. कार्ले खिंड येथील धोकादायक वळणावर बस आली असता चालकाचे बसवरील नियंत्रण सुटले आणि बस दरीच्या दिशेने वळली. सुदैवाने बाजूला असलेल्या झाडाला बस अडकली, त्यामुळे अनर्थ टळला. बसमधील प्रवाशांना तातडीने बसच्या बाहेर काढण्यात आले. अपघातात बसचा अक्सलही तुटला होता.
पावसाळा असल्याने रस्ते हे निसरडे झाले आहेत. त्यामुळे वाहन चालवताना ते घसरण्याची शक्यता असते. भरधाव वेगाने वाहन चालवताना अनेकदा अपघाताची शक्यता असते. कार्ले खिंडीत झालेला हा अपघात ही असाच झाला असल्याचे बोलले जात आहे.