बस चालकाला रिक्षाचालकाची मारहाण

परळ डेपोमधील अलिबागवरून परळ याठिकाणी जात असलेल्या बसचालकाला (एमएच २० बीएल १०२२) पनवेलमधील एका रिक्षा चालकाने मारहाण केल्याची घटना सोमवारी येथे घडली.

पनवेल : परळ डेपोमधील अलिबागवरून परळ याठिकाणी जात असलेल्या बसचालकाला (एमएच २० बीएल १०२२) पनवेलमधील एका रिक्षा चालकाने मारहाण केल्याची घटना सोमवारी येथे घडली. नवीन पनवेलजवळ उड्डाणपुलावरून खाली उतरत असताना रिक्षा चालकाला बसची धडक बसल्याने ही मारहाण करण्यात आली.
पनवेलमधील ठाणा नाक्याच्या दिशेने जात असताना रिक्षा चालकाला बसची धडक बसली. यावेळी दोघांमध्ये वादावादी होऊन त्याचे पर्यावसन मारहाणीत झाले. या मारहाणीत बस चालक नीलेश शंकर संखे ( ३२) याच्या डाव्या डोळ्याला दुखापत झाली आहे.
धडक बसलेली रिक्षा याच मार्गावरून जात असलेल्या इनोवा गाडीला धडकल्याने देखील घटनास्थळी मोठ्या प्रमाणात वाद निर्माण झाला होता. घटनेची नोंद पनवेल शहर पोलीस ठाण्यात करण्यात आली आहे. (प्रतिनिधी)