कारची दुचाकीला धडक; ठाण्यातील एकाचा मृत्यू

फरार कारचालक तसेच जखमी व मृतांबाबत माहिती देण्यास पोलिसांनी टाळाटाळ केली.

लोकमत न्यूज नेटवर्क, पाली : सुधागड तालुक्यात पाली- खोपोली मार्गावर रविवारी दुपारी १२ वाजेच्या सुमारास मौजे कानसळ गावाच्या हद्दीत दुचाकी आणि कार यांच्यात अपघात झाला. त्यात दुचाकीवरील  सचिन वसंत जाधव (वय ५२, ठाणे) यांचा मृत्यू झाला तर सचिन लक्ष्मण थोरटे (वय ४९, पडघा, ठाणे) जखमी झाले. घटनेनंतर कारचालक पळून गेला, मात्र फरार कारचालक तसेच जखमी व मृतांबाबत माहिती देण्यास पोलिसांनी टाळाटाळ केली.

जखमी सचिन जाधव हे सचिन थोरटे यांचे मेव्हणे आहेत. त्यांना उपचारासाठी पडघ्यातील चिंतामणी हॉस्पिटलमध्ये दाखल करण्यात आले आहे. अपघातानंतर दुचाकी तेथून जाणाऱ्या दुसऱ्या कारला धडकली. त्या कारचे चालक विजय दयानंद कांबळे (कणकवली, सिंधुदुर्ग) यांनी पोलिसांना अपघाताची माहिती दिली. 

गुरुनाथ साठेलकर व विजय भोसले यांनी जखमींना खोपोली नगरपालिकेच्या रुग्णालयात दाखल केले. मात्र सचिन जाधव यांचा मृत्यू झाला हाेता. सचिन थोरटे यांना नंतर पडघा येथील रुग्णालयात दाखल केले आहे.