ग्रामपंचायतींचा पोटनिवडणूक कार्यक्रम जाहीर

महाड तालुक्यातील पाच ग्रामपंचायतींचा सार्वत्रिक निवडणुकांचा तर ४३ ग्रामपंचायतींच्या पोटनिवडणुकींचा कार्यक्रम निवडणूक निर्णय अधिकारी महाड

दासगांव : महाड तालुक्यातील पाच ग्रामपंचायतींचा सार्वत्रिक निवडणुकांचा तर ४३ ग्रामपंचायतींच्या पोटनिवडणुकींचा कार्यक्रम निवडणूक निर्णय अधिकारी महाड यांनी जाहीर केला आहे. या पाच ग्रामपंचायतींमध्ये बिरवाडी, आनपोई, मांडले, भेलोशी, नरवण या ग्रामपंचायतींचा समावेश आहे. ४ आॅगस्टला या निवडणुका होणार आहेत.
महाड तालुक्यातील बिरवाडी, आसनपोई, मांडले, नरवन, भेलोशी या ग्रामपंचायतींचा कार्यकाल संपत असल्याने निवडणूक निर्णय अधिकारी यांनी निवडणूक कार्यक्रम जाहीर केला आहे. महाड तहसीलदारांनी जाहीर केलेल्या कार्यक्रमानुसार १३ ते २० जुलैपर्यंत नामनिर्देशपत्र भरणे, २१ जुलै रोजी नामनिर्देशन छाननी करणे, २३ जुलै रोजी नामनिर्देशन मागे घेणे याच दिवशी निवडणूक चिन्ह देणे तसेच उमेदवारांची यादी तयार करणे आणि ४ आॅगस्टला सकाळी ७.३० ते सायंकाळी ५.३० या वेळेत मतदान होणार आहे. (वार्ताहर)