करंजा मच्छीमार कार्यकारी संस्थेची १८ डिसेंबर रोजी पंचवार्षिक निवडणूक   

वार्षिक ५० कोटींची उलाढाल असलेली करंजा मच्छीमार विविध कार्यकारी सहकारी संस्था राज्यातील सर्वात मोठी संस्था आहे.

 

मधुकर ठाकूर

उरण : राज्यातील सर्वात मोठी आणि बलाढ्य संस्था अशी ओळख असलेल्या करंजा मच्छीमार विविध कार्यकारी सहकारी संस्थेची पंचवार्षिक निवडणूक १८ डिसेंबर रोजी होणार असल्याची माहिती राज्य मत्स्यव्यवसाय विभागाचे निवडणूक निर्णय अधिकारी तथा उपनिबंधक सहकारी संस्थेचे शिरिष सकपाळ यांनी दिली.

करंजा मच्छीमार विविध कार्यकारी सहकारी संस्था राज्यातील सर्वात मोठी संस्था आहे.वार्षिक सुमारे ५० ते ५१ कोटींची उलाढाल असलेल्या संस्थेचे एकूण ३८१२ मतदार आहेत.३८१२ मतदार १७ संचालकांची गुप्त मतदानाने निवड करणार आहेत.यामध्ये दोन महिला ठार संचालकांचा समावेश आहे.याआधी २०१५ रोजी संस्थेची पंचवार्षिक निवडणूक पार पडली होती. २०२०-२१ मध्ये संस्थेची मुदत संपुष्टात आली होती. मात्र कोरोना महामारीमुळे सुमारे दोन वर्ष निवडणूक लांबणीवर पडली होती.आता मात्र मुदत वाढीनंतर येत्या १८ डिसेंबर रोजी मतदान होणार आहे. मतदानानंतर तत्काळ त्याच ठिकाणी मतमोजणी केली जाणार असल्याची माहिती निवडणूक निर्णय अधिकारी शिरिष सकपाळ यांनी दिली.