चोळई येथे दरड कोसळली; प्रशासनाकडून 75 नागरिकांना सुरक्षित ठिकाणी हलविले
By ऑनलाइन लोकमत | Published: July 4, 2022 07:07 PM2022-07-04T19:07:27+5:302022-07-04T19:07:50+5:30
चौपदरीकरणाच्या कामामुळे डोंगराचा कापण्यात आलेला भाग पावसामुळे खाली कोसळला.
चोळई येथे दरड कोसळली; प्रशासनाकडून 75 नागरिकांना सुरक्षित ठिकाणी हलविले
Next आज सकाळपासूनच सुरू असणाऱ्या धुंवाधार पावसामुळे कशेडी घाटातील चोळई येथे दरड कोसळली. सुरक्षेचा उपाय म्हणून प्रशासनाने तात्काळ घटनास्थळी धाव घेत येथील 20 कुटुंबांतील सुमारे 75 नागरिकांना सुरक्षित ठिकाणी विद्या मंदिर पोलादपूर येथे हलविले आहे.
सदर ठिकाणी चौपदरीकरणाच्या कामामुळे डोंगराचा कापण्यात आलेला भाग पावसामुळे खाली कोसळला. दरडीचे ढिगारेच्या ढिगारे खाली कोसळत असल्याने या गावाला धोका निर्माण झाल्याचे लक्षात आले. यामुळे तालुका प्रशासनाने तात्काळ घटनास्थळी धाव घेत येथील नागरिकांना सुरक्षित ठिकाणी हलवले आहे.
पोलादपूर चोळी येथे मुंबई गोवा राष्ट्रीय महामार्गालगत कोसळली दरड; उत्खननामुळे भुस्खलन झाले.https://t.co/CbvSFUBywh#Rain#RainVideo#Poladpurpic.twitter.com/NCrfT1ZoMy
— Lokmat (@lokmat) July 4, 2022
यावेळी नायब तहसीलदार समीर देसाई, पोलीस निरीक्षक प्रशांत जाधव, नरवीर रेस्क्यू टीमचे पदाधिकारी रामदास कळंबे, दीपक उतेकर यासह आपत्ती निवारण कक्षाचे अधिकारी कर्मचारी पोलीस कर्मचारी उपस्थित होते.