माणगावमध्ये स्कूल बसची ट्रॅक्टरला धडक, अपघातात एक ठार, तिघे जखमी
By ऑनलाइन लोकमत | Published: February 4, 2021 12:54 AM2021-02-04T00:54:15+5:302021-02-04T00:54:52+5:30
Accident : माणगाव : तालुक्यात निजामपूर रस्त्यावरील टेम्बे नाका येथे कचरा ट्रॅक्टरला स्कूल बसने धडक दिली. या अपघातात ट्रॅक्टरमधील तिघे खाली पडून जखमी झाले.
माणगावमध्ये स्कूल बसची ट्रॅक्टरला धडक, अपघातात एक ठार, तिघे जखमी
माणगाव - तालुक्यात निजामपूर रस्त्यावरील टेम्बे नाका येथे कचरा ट्रॅक्टरला स्कूल बसने धडक दिली. या अपघातात ट्रॅक्टरमधील तिघे खाली पडून जखमी झाले. यातील एकाचा उपचारादरम्यान मृत्यू झाला. ३ फेब्रुवारी रोजी सकाळी ९.३० ते ९.४५ वाजताच्या दरम्यान ही घटना
घडली.
माणगाव - निजामपूर रस्त्यावरील गिरीश वडके यांच्या स्टीलच्या दुकानाजवळ टेम्बे नाका येथे कचऱ्याचा ट्रॅक्टर (एम एच ११जी २७९६) रस्त्यावरील कचरा गोळा करत माणगाव बाजूकडे येत असताना नझीर इब्राहीम गालसूरकर (वय ५७, रा. दहिवली माणगाव) याने स्कूल बस (एमएच ०६ एस ७६०२) भरधाव वेगाने चालवून ट्रॅक्टरला धडक दिली. यामध्ये बसलेले तिघे पाठीमागुन धडक दिल्याने खाली पडून जखमी झाले. जखमींना उपजिल्हा रुग्णालयात आणले असता यातील महेश दत्तू सकपाळ (१९, रा. उतेखोल) या तरुणाचा उपचारादरम्यान मृत्यू झाला. यामुळे संपूर्ण माणगाव शहरात हळहळ व्यक्त करण्यात येत आहे. ट्रॅक्टरमधील जयेश नंदकुमार जाधव (२४, नगरपंचायत सफाई कामगार उतेखोल, माणगाव) व अनिल नारायण सुर्वे (५२, नगरपंचायत सफाई कामगार, रा. खरोशी, माणगाव) हे दोघे जखमी झाले.
