दरड कोसळून एकाचा मृत्यू

उरण तालुक्यातील भवरा येथे धबधब्यावर मौजमजा करण्यासाठी आलेल्या दोन तरु णांवर एक भला मोठा दगड कोसळल्याने एकाचा जागीच मृत्यू झाला तर एक गंभीर जखमी झाला आहे.

चिरनेर : पावसाळ्यात धबधब्यांचा आणि निसर्गाचा आनंद लुटण्यासाठी तरु णांची डोंगरदऱ्यांच्या पायथ्याशी गर्दी होत असते. रविवारी उरण तालुक्यातील भवरा येथे धबधब्यावर मौजमजा करण्यासाठी आलेल्या दोन तरु णांवर एक भला मोठा दगड कोसळल्याने एकाचा जागीच मृत्यू झाला तर एक गंभीर जखमी झाला आहे.
मृत पावलेल्या तरुणाचे नाव नीलेश पद्माकर एकलदिवे (१४) असे असून तो उरण तालुक्यातील भवरा येथे राहणारा आहे. तर जखमी झालेल्या तरुणाचे नाव साहिल वाल्मीकी असे असून त्याच्या डोक्याला गंभीर दुखापत झाली आहे. त्याला उपचारासाठी वाशी येथे हलविण्यात आले असल्याची माहिती मोरा पोलीस ठाण्याचे वरिष्ठ पोलीस निरीक्षक ए. एस. पठाण यांनी दिली.
या घटनेची मोरा सागरी पोलीस ठाण्यात नोंद करण्यात आली आहे. (वार्ताहर)