दक्षिण कोरिया येथे झालेल्या जागतिक तायक्वांडो स्पर्धेत पनवेलच्या खेळाडूंचे यश

घवघवीत यश संपादित केले आहे.

 लोकमत न्युज नेटवर्क, वैभव गायकर, पनवेल: तायक्वांडोवाँन मुजू  दक्षिण कोरिया येथे आयोजित १६ व्या जागतिक तायक्वांडो स्पर्धेत पनवेलसह रायगडच्या खेळाडूंनी ६ सुवर्ण, २ रौप्य व २ कास्य पदके मिळवून घवघवीत यश संपादित केले आहे.    

या पदक विजेते खेळाडूमध्ये फाईट स्पर्धा गटात  मयुरेश घरत , मेघा पाटील ,नंदिनी गुजाले ,अक्षता भगत, रुद्रा जाधव यांनी  सुवर्ण पदक पटकावले आहेत.तर फुमसे स्पर्धेत रूद्रा जाधव याला सुवर्ण मेघा पाटील व मयुरेश घरत रोप्य पदक आणि अक्षता भगत व नंदिनी गुजाळे यांना कास्य पदक मिळाले आहेत.या सर्व विजयी खेळाडूंना ग्रांडमास्टर हुंग्नाम क्वान (९डान ब्लॅक बेल्ट)आमदार अनिकेत तटकरे यांच्या हस्ते पदके वितरित करण्यात आली.या सर्व खेळाडूंना मुख्य प्रशिक्षक व आंतररष्ट्रीय पंच सुभाष पाटील (७ डान ब्लॅक बेल्ट) व अनिल म्हात्रे (३ डान ब्लॅक बेल्ट) यांचे विशेष मार्गदर्शन लाभल. सर्व खेळाडूंचे शाळेतील प्राचार्यांनी फोनवरून अभिनंदन केले तसेच रायगड व नवी मुंबईतून सर्व खेळाडूंवर अभिनंदनाचा वर्षाव होत आहे.रायगड तायक्वांडो असोसिशनतर्फे देखील सर्व खेळाडूंचे अभिनंदन करण्यात आले.