जुगार खेळणा-या दहा जणांना अटक, एक लाख ३५ हजार ८१० रु.चा मुद्देमाल जप्त

शहरातील नानामास्तर नगर मुद्रे येथील एका घराच्या टेरेसवर जुगार सुरू आहे, अशी माहिती पोलिसांना मिळाली. त्यानुसार २७ आॅगस्ट रोजी पहाटे ५च्या सुमारास छापा मारून दहा जणांना ताब्यात घेतले असून, मुद्देमाल जप्त केला.

कर्जत : शहरातील नानामास्तर नगर मुद्रे येथील एका घराच्या टेरेसवर जुगार सुरू आहे, अशी माहिती पोलिसांना मिळाली. त्यानुसार २७ आॅगस्ट रोजी पहाटे ५च्या सुमारास छापा मारून दहा जणांना ताब्यात घेतले असून, मुद्देमाल जप्त केला.
नगरपरिषद क्षेत्रातील नानामास्तर नगर मुद्रे येथील चाऊजी मोकल यांच्या घराच्या टेरेसवर जुगार सुरू आहे, अशी माहिती पोलिसांना मिळाली. त्या ठिकाणी उपविभागीय पोलीस अधिकारी जालिंदर नालकुल, कर्जत पोलीस ठाण्याच्या पोलीस निरीक्षक सुजाता तानवडे, पोलीस हवालदार दिनेश पाटील, रमेश दोरताले, सदाशिव शिंदे, सुजित माळी, दशरथ मोकल, शैलेश कदम, यांनी पहाटे ५च्या सुमारास छापा मारला. या वेळी दहा जण तीन पत्ता नावाचा जुगार खेळत असताना सापडले.
अमित बैलमारे, मिलिंद कडू, रवींद्र मोधळे, मंदार मोधळे, मोहन मोधळे, योगेश दिघे, अच्युत चाऊजी मोकल, नरेश भोईर, महेश लोट, रनी इंटरनो फेरेरो या १० जणांना पोलिसांनी ताब्यात घेतले असून, ३७ हजार ८१०
रु पये रोख रक्कम व मोटारसायकल असा एकूण १ लाख ३५ हजार ८१० रुपये किमतीचा मुद्देमाल जप्त केला. पुढील तपास पोलीस नाईक संदीप घरत हे करीत आहेत.