वऱ्हाडाचा टेम्पो उलटला; १८ वर्षीय तरुणीचा मृत्यू, १९ जण जखमी
By ऑनलाइन लोकमत | Published: May 18, 2023 02:00 PM2023-05-18T14:00:07+5:302023-05-18T14:00:34+5:30
अपघातात १८ वर्षीय तरुणीचा मृत्यू झाला तर १९ जण जखमी झाले आहेत.
वऱ्हाडाचा टेम्पो उलटला; १८ वर्षीय तरुणीचा मृत्यू, १९ जण जखमी
Next कर्जत : नेरळ माथेरान घाटात जुम्मापट्टीपासून किरवली पट्ट्यात असलेल्या आसलवाडी आदिवासीवाडी येथून नवरी-नवऱ्यासह निघालेल्या वऱ्हाडाच्या टेम्पोला अपघात झाला. अपघातात १८ वर्षीय तरुणीचा मृत्यू झाला तर १९ जण जखमी झाले आहेत.
नेरळ टपालवाडी येथील आरती रमेश भला यांचा विवाह आसलवाडी नाण्याचा माळ येथील समीर किसन सांबरी या तरुणाबरोबर झाला होता. दुसऱ्या दिवशी आरती हिला माहेरी नेण्यासाठी नेरळ टपालवाडी येथून वऱ्हाडी मंडळी आली होती. साधारण ३५ वऱ्हाडी मंडळींना घेऊन नेरळ आनंदवाडीकडे पीकअप टेम्पो निघाला होता. बेकरेवाडीजवळ प्रवासी जास्त असल्याने चढावर गाडीचा ताबा सुटला व टेम्पाे उलटला.