माणगाव : मुंबई-गोवा महामार्गावर लोणेरेनजीक मौजे नवघर हद्दीत बुधवारी पहाटे ५.३० तीन वाहनांत झालेल्या अपघातात आठ जण गंभीर जखमी झाले.एसटी चालक आनंद कराडे (रा. सोलापूर) आपल्या ताब्यातील परळ-गणपतीपुळे बस घेऊन जात होता. बस नवघर येथे थांबली. तिच्या मागे महिंद्रा जीप उभी होती. जीपला मागून येणाऱ्या एचपी गॅस टँकरने जोरदार धडक दिली. त्यामुळे जीप एसटीवर आदळली. या अपघातात शुभांगी डिंगपाकर (वय ४५), दीपेश डिंगपाकर (वय २०), सदाशिव डिंगपाकर (वय ५५), नीलेश डिंगपाकर (वय १९, सर्व रा. पाचेरी सडा, गुहागर), अक्षय पागडे (वय ३०, रा. आंबेली), अमोल वाघे (वय ३५), अमित वाघे (वय २८), नीताली वाघे (वय २४, सर्व रा. कणकवली) हे जखमी झाले.
तीन वाहनांना अपघात; आठ जण जखमी
By लोकमत न्यूज नेटवर्क | Published: September 13, 2018 4:51 AM