उपसभापतीपदी उज्ज्वला देसाई विराजमान

सुधागड पंचायत समितीच्या इतिहासात पहिल्यांदाच शिवसेनेच्या दोन जागा निवडून आल्या. सोमवारी दुपारी शिवसेनेच्या परळी

पाली : सुधागड पंचायत समितीच्या इतिहासात पहिल्यांदाच शिवसेनेच्या दोन जागा निवडून आल्या. सोमवारी दुपारी शिवसेनेच्या परळी गणाच्या सदस्या उज्ज्वला देसाई या उपसभापतीपदी विराजमान झाल्या. या वेळी त्यांनी शिवसेना चांगले काम करून जनतेने दाखवलेला विश्वास सार्थ करून दाखवेन, असे प्रतिपादन केले. उज्ज्वला देसाई यांनी यापूर्वी परळी ग्रामपंचायत सदस्य ते उपसरपंच म्हणून काम पाहिले आहे. परळी गणातून शिवसेनेच्या त्या पहिल्या सदस्या असून त्यांची ईश्वरचिठ्ठीने उपसभापतीपदी वर्णी लागली आहे.
याप्रसंगी शिवसेनेचे जिल्हा प्रमुख प्रकाश देसाई, जिल्हा परिषद सदस्य रवींद्र देशमुख, पंचायत नवनिर्वाचित सदस्य रमेश सुतार, माजी जिल्हा प्रमुख विष्णू पाटील, तालुका प्रमुख मिलिंद देशमुख, नीलेश अवसरे, परळी ग्रामपंचायत सदस्य, शिवसैनिक उपस्थित होते. (वार्ताहर)