उरणमध्ये मनसे स्वबळावर लढणार

उरण शहर परिवर्तन आघाडीचे मार्गदर्शक विवेक पाटील यांनी उरण नगरपरिषदेच्या निवडणुकीत ठरलेल्या फॉर्म्युल्यानुसार तालुक्यात आगामी जिल्हा परिषद, पंचायत समिती

उरण : उरण शहर परिवर्तन आघाडीचे मार्गदर्शक विवेक पाटील यांनी उरण नगरपरिषदेच्या निवडणुकीत ठरलेल्या फॉर्म्युल्यानुसार तालुक्यात आगामी जिल्हा परिषद, पंचायत समिती निवडणुकीसाठी मनसेशी कोणताही संपर्क साधला नाही. त्यामुळे उरण तालुक्यातील निवडणूक मनसे स्वबळावर लढविणार असल्याची घोषणा जिल्हाध्यक्ष अतुल भगत यांनी शुक्रवारी आयोजित पत्रकार परिषदेत केली.
नुकत्याच झालेल्या नगरपरिषदेच्या निवडणुकीत काँग्रेस, राष्ट्रवादी, मनसे, बसपा, शेकाप अशी एकत्रितपणे उरण शहर परिवर्तन महाआघाडी स्थापना करण्यात आली होती. त्या वेळी ठरलेल्या फॉर्म्युल्याप्रमाणे आगामी झेडपी, पंचायत समिती निवडणुकीत एकत्रित लढविण्याचा निर्णय घेण्यात आला होता. मात्र, विवेक पाटील मार्गदर्शनाखाली लढविलेल्या उनप निवडणुकीत महाआघाडीला एकही जागा जिंकता आली नाही. त्यामुळे निवडणुकीनंतर महाआघाडीची एकही बैठक झाली नाही. (वार्ताहर)