विराट आणि अनुष्काने केली अलिबाग येथील ‘फार्म हाऊस’च्या कामाची पाहणी

त्यांना पाहण्यासाठी चाहत्यांची एकच झुंबड उडाली होती.

जमीर काझी, अलिबाग: जगातील 'लव्हेबल कपल' आणि अतिप्रसिद्ध जोडीपैकी एक असलेल्या भारताचा क्रिकेटस्टार विराट कोहली आणि प्रसिद्ध अभिनेत्री अनुष्का शर्मा यांनी जोडीने अलिबाग तालुक्यातील झिराडजवळ रविवारी सैर केली.येथे असलेल्या त्यांच्या फार्महाऊसचे काम अंतिम टप्प्यात आले असून त्याची पाहणी करण्यासाठी ही जोडी आज अलिबागच्या दौऱ्यावर होती. त्यांना पाहण्यासाठी चाहत्यांची एकच झुंबड उडाली होती.

या जोडीने गेल्यावर्षी  अलिबागमधील झिराड येथे ८ एकर जमिनीत खरेदी केली आहे. झिराडमधील अतिशय निसर्गरम्य ठिकाणी आहे. समीरा हॅबिटॅट्सने ही जागा दाखवल्यानंतर या दोघांनी ही देखमी जागा खुपच आवडली आणि त्यांनी ती लागलीच खरेदी केली.या जागेवर सुमारे २० हजार चौरस फूटाचे ड्फार्म हाऊसचे बाधण्याचे काम सुरु आहे.

या फार्म हाऊसचे डिझाइन विख्यात वास्तुविशारद मुझुमदार ब्राव्हो यांनी केल्याची माहिती सुत्रांकडून समजते. त्यामुळे हे फार्महाऊस अतिशय अलिशान, लक्झरीयस असणार हे वेगळे सांगण्याची आवश्यक्ता नाही. विराट आणि अनुष्का शर्मा हे दोघे रविवार दुपारी अलिबागला आले होते. त्यांनी आपल्या आलिशान घराच्या कामाची पाहणी करून आपल्या काही सूचना कारागिऱ्यांना दिल्याचे सांगण्यात आले.