Ratnagiri: खाेटे साेन्याचे नाणे देऊन तरुणाला सहा लाखांचा गंडा

रत्नागिरी : गाडी खरेदी करण्याच्या बहाण्याने खाेटे सोन्याचे नाणे देऊन एका २८ वर्षीय तरुणाला ६ लाखांचा गंडा घातल्याचा प्रकार समाेर आला आहे. याप्रकरणी दिनकर (पूर्ण नाव, गाव माहीत नाही) नावाच्या भामट्याविराेधात रत्नागिरी शहर पाेलिस स्थानकात गुन्हा दाखल करण्यात आला आहे.हा प्रकार ९ सप्टेंबर २०२३ ते २१ सप्टेंबर २०२३ या कालावधीत घडला असून, फसवणूक झालेला तरुण मूळचा सांगली जिल्ह्यातील राहणार आहे. सांगली जिल्ह्यातील तांदूळवाडी (ता. वाळवा) येथील एक तरुण रत्नागिरी शहरातील आठवडा बाजार येथे राहताे. त्याने एक दुचाकी (एमएच ०४, केके ८४५१) विक्री करण्यासाठी ओएलक्स वर टाकले हाेते. या जाहिरातीच्या अनुषंगाने गाडी खरेदी करण्याच्या बहाण्याने दिनकर नावाच्या व्यक्तीने त्याच्याशी संपर्क साधला. त्यानंतर त्याने आपल्याकडे साेन्याचे नाणे असल्याचे तरुणाला सांगितले. हे दाेघे रत्नागिरी रेल्वे स्थानकादरम्यान एका ठिकाणी भेटले. या भेटीत त्याने हे नाणे तरुणाकडे देऊन त्याच्याकडून ६ लाख रुपये घेतले.मात्र, त्यानंतर तरुणाने नाण्याबाबत खातरजमा केली असता हे नाणे खाेटे असल्याचे लक्षात आले. आपली फसवणूक झाल्याचे लक्षात येताच त्यांनी रत्नागिरी शहर पाेलिस स्थानकात फिर्याद दिली आहे. त्यानुसार पाेलिसांनी ४ ऑक्टाेबर राेजी गुन्हा दाखल केला आहे. अधिक तपास पाेलिस करत आहेत.