Relationship Tips : जेव्हा दोन लोक एकमेकांच्या पूर्ण प्रेमात असतात तेव्हा त्यांच्या वागण्यातून ते दिसून येतं. त्यांना एकमेकांबाबत किंवा एकमेकांच्या वागण्याबाबत कोणतंही कन्फ्यूज नसतं. पण जर तुम्हाला तुमच्या बॉयफ्रेन्डवर थोडाही संशय असेल की, तो तुमच्याबाबत अजूनही संभ्रमित आहे तर वेळीच याकडे लक्ष द्या. ज्याला या नात्याबाबत कन्फ्यूजन आहे अशा व्यक्तीसोबत राहणं तुमच्यासाठीही डोकेदुखीचं ठरू शकतं. तुम्हालाच त्याच्या वागण्यावरून ते ओळखावं लागेल. आम्ही तुम्हाला अशाच काही संकेतांबाबत सांगत आहोत, ज्यावरून तुम्ही ओळखू शकाल की, त्याने तुमच्याबाबत काहीही कन्फर्म केलेलं नाही.
एक्स गर्लफ्रेन्डबाबत सॉफ्ट कॉर्नर
जर तुमचा बॉयफ्रेन्ड अजूनही त्याच्या आधीच्या गर्लफ्रेंडबाबत चर्चा करत असेल तर याचा अर्थ होतो की, अजूनही त्या नात्यातून तो बाहेर निघालेला नाही. जर तो तुम्हाला सांगत असेल की, त्याची एक्स आता त्याची चांगली मैत्रिण आहे आणि ते सोबत वेळही घालवतात, तर हा इशारा तुम्ही समजायला हवा.
तुमच्या जवळच्या लोकांना भेटत नसेल
जर त्याने तुम्हाला आतापर्यंत त्याच्या मित्रांशी किंवा घरातील सदस्यांशी भेटवलं नसेल तर नक्कीच काहीतरी गोंधळ आहे. हे त्यालाही माहीत असतं की, एकदा जर त्याने त्याच्या ओळखीच्या लोकांशी तुमची भेट करून दिली तर तुम्ही त्याची ऑफिशिअल गर्लफ्रेन्ड व्हाल.
नातं पुढं नेण्याचा कोणताही प्रयत्न नसेल
तुम्हाला खूश करण्यासाठी तो काही एक्स्ट्रा प्रयत्न करत नसेल किंवा तुमची काळीज घेत नसे तर वेळीच सावध व्हा. तुमच्या मनात जर हा विचार येत असेल की, हे रिलेशनशिप चांगलं करण्यासाठी तुम्ही एकटेच मेहनत घेत आहात, तर यावर आणखी विचार करायला हवा.
मोकळेपणाने वागत नसेल
जर तुमच्यासोबत तो त्याच्या फीलिंग्स शेअर करत नसेल. त्याला काय वाटतं हे तुम्हाला माहीत नसेल किंवा त्याला काय आवडतं हे तुम्हाला माहीत नसेल तर ही गोष्ट वाईट आहे. तो तुमच्याबाबत शुअर नाही हा त्याचा संकेत असू शकतो.