इस्लामपूर : केंद्र सरकारने देशावर लादलेल्या तीन कृषी विधेयकांच्याविरोधात पुकारलेल्या भारत बंदसह इस्लामपूर शहरासह वाळवा तालुका बंदचे आवाहन करण्यात आले आहे.
भारत बंद आंदोलनासाठी स्वाभिमानी शेतकरी संघटनेसह काँग्रेस, राष्ट्रवादी काँग्रेस, शेतकरी कामगार पक्ष, प्रहार शेतकरी संघटना, आम आदमी पार्टी, वाळवा तालुका संघर्ष समिती, इस्लामपूर व्यापारी संघटना यांनी पाठिंबा दिला आहे.
यावेळी स्वाभिमानीचे राज्य कार्यकारिणी सचिव आप्पासाहेब पाटील म्हणाले की, केंद्र सरकारच्या कृषी कायद्यांमुळे भविष्यात शेतकरी हे अदानी-अंबानी या उद्योजकांचे गुलाम होणार आहेत. या कायद्यामुळे शेतकरी देशोधडीला लागणार आहेत. त्यामुळे ही तीन विधेयके रद्द करण्यात यावीत.
यावेळी प्रवक्ते अ‍ॅड. एस. यु. संदे, इस्लामपूर शहराध्यक्ष अनिल करळे, तालुकाध्यक्ष भागवत जाधव, जगन्नाथ भाेसले, रमेश पाटील, प्रभाकर पाटील, प्रकाश देसाई, संतोष शेळके, मायाना देशमुख, विक्रांत कबुरे, तानाजी साठे, तसेच व्यापारी असोसिएशनचे मोहन पाटील, उमेश कुरळूपकर यांनी बंदला पाठिंबा दिला.