शहरं
Join us  
Trending Stories
1
Akshay Shinde Shot Dead : "मनोज जरांगे पाटील यांच्यावरुन लक्ष विचलित करण्यासाठी अक्षय शिंदेचा एन्काउंटर"; राऊतांचा गंभीर आरोप
2
बदला पूर्ण झाला...पीडितेला न्याय मिळाला; बदलापूर प्रकरणावर अमित ठाकरेंनी मांडली रोखठोक भूमिका!
3
जीवघेणं 'टायमिंग'! पतीशी भेट शेवटची ठरली; 'त्या' गोड बातमीचा आनंद अपघाताने हिरावला
4
"ओवेसींच्या पायजम्याची साइज टिंगूपेक्षा मोठी’’, इम्तियाज जलील यांची नितेश राणेंवर टीका  
5
मोठी बातमी: सगेसोयरे अधिसूचनेची लवकरच अंमलबजावणी?; बैठकीनंतर शंभूराज देसाईंनी दिली माहिती
6
IND vs BAN 2nd Test; India's Probable Playing XI : लोकेश राहुलसह बुमराह 'आउट'; या दोघांना मिळू शकते संधी
7
१११ वर्षांनी पितृपक्षात शुभ योग: ६ राशींना सर्वोत्तम, लाभच लाभ; नशिबाची साथ, भाग्याचा काळ!
8
अक्षय शिंदे चकमक प्रकरणाची चाैकशी करा; वडिलांची मागणी, दुपारी घेतली कारागृहात भेट
9
पितृपक्षानंतर मोठा निर्णय घेणार, हर्षवर्धन पाटील यांनी दिले स्पष्ट संकेत
10
MPSC विद्यार्थ्यांच्या लढ्याला यश: कृषी सेवेतील पदांचा समावेश करत पूर्व परीक्षेची नवी तारीख आयोगाकडून जाहीर
11
MobiKwik IPO: ₹७००००००००० उभारण्याची तयारी; मोबिक्विकच्या आयपीओला सेबीचा हिरवा झेंडा
12
थरकाप उडवणारं हत्याकांड! कोण होती महालक्ष्मी?, जिचं मुंडकं फ्रीजमध्ये सापडलं
13
Success Story: पुण्यात जन्म, भारतात यश मिळालं नाही; अमेरिकेची वाट धरली, आता आहेत ६४,३२५ कोटींचे मालक
14
१६५ लीटरचा फ्रीज, जमिनीवर रक्ताचे डाग, मृतदेहाचे तुकडे; बंगळुरूत पोलीस हादरले
15
प्रयागराजमध्ये महाबोधी एक्सप्रेसवर दगडफेक, अनेक प्रवासी जखमी
16
युद्ध पेटलं! लेबनानमध्ये ४९२ लोकांचा मृत्यू; हिजबुल्लाहवर इस्त्रायलचा पलटवार
17
बदलापूरनंतर युपीमध्येही गुन्हेगाराचा एन्काऊंटर; ट्रेनमधून कॉन्स्टेबलला फेकणारा गुन्हेगार ठार
18
अधिकाऱ्यांच्या असहकारावरून मुनगंटीवार ‘कॅबिनेट’मध्ये भडकले
19
राज्याचे सांस्कृतिक धोरण जाहीर; धान उत्पादकांना चाळीस रुपये अतिरिक्त भरडाई दर
20
अग्रलेख : श्रीलंका डाव्या वळणावर! भारताला राहावे लागणार अधिक सावध

शिक्षेच्या भीतीने युवकाची आत्महत्या

By admin | Published: June 22, 2017 1:01 AM

मृतदेह ताब्यात घेण्यास ग्रामस्थांचा नकार; मुलीच्या वडिलावर कारवाईची मागणी

लोकमत न्यूज नेटवर्क कार्वे : (ता. वाळवा) येथील महेश विलास पाटील या युवकाने बलात्काराच्या गुन्ह्यामध्ये शिक्षा होईल, या भीतीने बुधवारी सकाळी शेतातील झाडाला दोरीने गळफास घेऊन आत्महत्या केली. दरम्यान, आत्महत्येस बलात्कारीत मुलीचे वडील व इतर नातेवाईक जबाबदार असल्याचा आरोप उपसरपंच केशव पाटील व ग्रामस्थांनी करून त्यांच्यावर गुन्हा नोंद झाल्याशिवाय मृतदेह ताब्यात न घेण्याचा पवित्रा घेतला होता. परंतु पोलिसांनी संबंधितांवर योग्य ती कारवाई करण्याचे आश्वासन दिल्यानंतर मृतदेह ताब्यात घेण्यात आला. घटनास्थळ व कुरळप पोलिसांतून मिळालेली माहिती अशी की, येथील महेश पाटील हा बुधवारी सकाळी एकटाच शेतातील कामासाठी गेला होता. सकाळी दहाच्या दरम्यान त्याच्या घरातील सर्वजण शेतामध्ये कामासाठी आले होते. त्यावेळी त्याने तेथील आंब्याच्या झाडाला गळफास लावून आत्महत्या केल्याचे आढळले. दरम्यान, महेशचे वडील विलास पाटील यांनी, महेशवर बलात्काराच्या गुन्ह्याची कोर्टात तारीख सुरू होती. त्यामध्ये शिक्षा होईल, या भीतीपोटी आत्महत्या केल्याची वर्दी कुरळप पोलिसांत दिली आहे. मात्र, याबाबत उपसरपंच केशव पाटील व डॉ. सीताराम पाटील यांनी अशी माहिती दिली की, महेश याचे गावातील एका तरुणीसोबत प्रेमसंबंध होते. या प्रेमप्रकरणातून ही मुलगी महेश याच्याबरोबर पळून गेली होती. मुलीच्या कुटुंबियांनी अल्पवयीन मुलीस फूस लावून पळवून नेल्याची तक्रार पोलिसांत दिली. त्यानंतर महेश व मुलीस पोलिसांनी शोधून काढले होते व मुलगी अल्पवयीन असल्यामुळे महेशवर बलात्काराचा गुन्हा नोंद झाला होता. सध्या या गुन्ह्याची इस्लामपूर येथील कोर्टात सुनावणी सुरू आहे. गावामध्ये वादविवाद नको म्हणून उपसरपंच केशव पाटील व इतर ग्रामस्थांनी दोन्ही कुटुंबांत महेशच्या कुटुंबाकडे प्रकरण मिटविण्यासाठी नऊ लाख रुपयांची मागणी केली होती.परंतु पैशाची तजवीज होऊ न शकल्यामुळे कोणताही निर्णय झाला नाही. दोन दिवसांपासून कोर्टामध्ये सुनावणी सुरू असल्यामुळे महेश तणावाखाली होता व त्यामुळेच त्याने आत्महत्या केली. दरम्यान, उपसरपंच केशव पाटील व ग्रामस्थांनी पोलिस स्टेशनमध्ये धाव घेतली व संबंधितांवर गुन्हा नोंद केल्याशिवाय महेशचा मृतदेह ताब्यात घेणार नाही, असा पवित्रा घेतला, परंतु पोलिसांनी संबंधितांवर गुन्हा नोंद करण्याचे आश्वासन दिल्यानंतर मृतदेह ताब्यात घेण्यात आला. अत्यंत शोकाकुल वातावरणात कार्वे येथे मृतदेहावर अंत्यसंस्कार करण्यात आले. महेश याच्या पश्चात आई, वडील, बहीण व भाऊ असा परिवार आहे. कोणताही अनुचित प्रकार घडू नये म्हणून कुरळप पोलिसांनी खबरदारी घेतली होती.