सांगली जिल्ह्यात ९७३३ शेतकऱ्यांचे ‘ई-केवायसी’ प्रलंबित

सांगली : जिल्ह्यातील तीन लाख ९७ हजार ५५५ शेतकरी प्रधानमंत्री किसान सन्मान योजनेसाठी पात्र आहेत. यापैकी तीन लाख ८७ हजार ८२२ शेतकऱ्यांनी ‘ई-केवायसी’ पूर्ण केले आहे. उर्वरित नऊ हजार सातशे तेहतीस शेतकऱ्यांनी ‘ई-केवायसी’ पूर्ण केली नाही. या शेतकऱ्यांनी ई-केवायसी पूर्ण केली नाही. या शेतकऱ्यांसाठी दि. १२ ते २१ फेब्रुवारीपर्यंत जिल्ह्यात ‘ई-केवायसी’ची विशेष मोहीम राबविण्यात येणार आहे, अशी माहिती जिल्हा अधीक्षक कृषी अधिकारी विवेक कुंभार यांनी दिली.कृषी आयुक्त डॉ. प्रवीण गेडाम यांनी राज्यातील सर्व जिल्हाधिकारी, मुख्य कार्यकारी अधिकारी, जिल्हा परिषद व जिल्हा अधीक्षक कृषी अधिकारी यांना पीएम किसान योजनेतील ‘ई-केवायसी’ प्रलंबित असलेल्या शेतकऱ्यांसाठी विशेष मोहीम राबविण्याची सूचना दिली आहे. त्यानुसार दि. १२ ते २१ फेब्रुवारी या कालावधीत जिल्ह्यात ‘ई-केवायसी’ प्रमाणीकरण बाकी असलेल्या शेतकऱ्यांनी नजीकचे सामाईक सुविधा केंद्र व ग्रामस्तरीय नोडल अधिकारी यांच्यामार्फत ‘ई-केवायसी’ प्रमाणीकरण पूर्ण करावे. शेतकऱ्यांनी स्वतःचे ‘ई-केवायसी’ प्रमाणीकरण करण्यासाठी मोबाइलवरील ओटीपी, सामाईक सुविधा केंद्र, पीएम किसान फेस ऑथेंटिकेशन ॲप या सुविधांपैकी कोणत्याही एका सुविधेचा वापर करावा. ई-केवायसी पूर्ण करण्यात शेतकऱ्यांना काही अडचणी असल्यास कृषी विभागाच्या कार्यालयाशी संपर्क साधावा, असे आवाहनही जिल्हा अधीक्षक कृषी अधिकारी विवेक कुंभार यांनी केले आहे.ई-केवायसी प्रलंबित लाभार्थीतालुका - लाभार्थी संख्याआटपाडी - ११३७जत - २२०कडेगाव - २१९क.महांकाळ - ४६७खानापूर - १२३१मिरज - २०१५पलूस - ९५७शिराळा - १३५१तासगाव - ३५७वाळवा - १७७९एकूण - ९७३३