मिरज : मिरज - पुणेरेल्वेमार्गावर दुहेरीकरणाच्या कामासाठी राजेवाडी - जेजुरी - दौंड या मार्गावर गुरुवारी (दि. २८) मेगा ब्लॉक घेण्यात येणार असल्याने कोयना एक्स्प्रेससह पॅसेंजर गाड्या रद्द करण्यात आल्या आहेत. लांब पल्ल्याच्या गाड्या कुर्डूवाडी - मिरजमार्गे वळविण्यात आल्या आहेत.दुहेरीकरणाच्या कामासाठी मुंबई - कोल्हापूर - मुंबई कोयना एक्स्प्रेस गुरुवारी (दि. २८) रद्द करण्यात आली आहे. पुणे - सातारा- पुणे, पुणे - फलटण -पुणे, लोणंद - फलटण - लोणंद पॅसेंजर रविवारपर्यंत (दि. ३१) रद्द करण्यात आली आहे. कोल्हापूर - पुणे एक्स्प्रेस सातारापर्यंत धावणार असून, सातारा ते पुणेदरम्यान ही गाडी रद्द करण्यात आली आहे.हजरत निजामुद्दीन - यशवंतपूर एक्स्प्रेस, हजरत निजामुद्दीन वास्को गोवा एक्स्प्रेस दौंड- कुर्डूवाडी- मिरजमार्गे धावणार आहेत. बंगळुरू - जोधपूर एक्स्प्रेस मिरज - कुर्डूवाडी - दौंड -पुणेमार्गे धावेल. या सर्व रेल्वेगाड्यासांगली, कराड, सातारा स्थानकात जाणार नाहीत.
मिरज-पुणे रेल्वेमार्गावर उद्या मेगा ब्लॉक, कोयना एक्स्प्रेससह पॅसेंजर गाड्या रद्द
By ऑनलाइन लोकमत | Published: July 27, 2022 12:45 PM