साताऱ्याचा नियोजित दौरा सोडून अजित पवार अचानक मुंबईला रवाना

साताऱ्याचा नियोजित दौरा सोडून आमदार अजित पवार अचानकपणे मुंबईला रवाना झाले. राष्ट्रवादीचे अध्यक्ष खासदार शरद पवार यांनी ही बैठक आयोजित केल्याची माहिती पक्षातील अधिकृत सूत्रांनी लोकमतशी बोलताना दिली.

ठळक मुद्देनियोजित दौरा सोडून अजित पवार मुंबईला शरद पवार यांनी आयोजित केली बैठक

सातारा : साताऱ्याचा नियोजित दौरा सोडून आमदार अजित पवार अचानकपणे मुंबईला रवाना झाले. राष्ट्रवादीचे अध्यक्ष खासदार शरद पवार यांनी ही बैठक आयोजित केल्याची माहिती पक्षातील अधिकृत सूत्रांनी लोकमतशी बोलताना दिली.

अजित पवार यांच्या सातारा दौऱ्याकडे सर्वांचे लक्ष लागून राहिले होते. या दौऱ्यात ते आगामी निवडणुकीच्या अनुषंगाने कार्यकर्ते व स्थानिक नेते मंडळीना मार्गदर्शन करतील, अशी अपेक्षा होती. मात्र, हा दौरा रद्द झाल्याने कार्यकर्त्यांचा उत्साह मावळला.

जिल्हा मध्यवर्ती बंकेच्या सभागृहातील आयोजित कार्यक्रम विधानपरिषदेचे सभापती रामराजे नाईक निंबाळकर, आ. शशिकांत शिंदे, आ. शिवेंद्रसिंहराजे भोसले, जिल्हा परिषद अध्यक्ष संजीवराजे नाईक-निंबाळकर, सुनील माने, पारिजात दळवी, बाळासाहेब भिलारे, सभापती मनोज पवार , शिवाजी सर्वगोड, तेजस शिंदे यांच्या प्रमुख उपस्थित हा सोहळा सुरु झाला.

जिल्ह्यातील पाच नियोजित कार्यक्रम टाळून अजित पवार मुंबईला का गेले? याची चर्चा सुरु झाली आहे.