ठळक मुद्देआरोपींना तत्काळ अटक करण्यात यावी या मागणीसाठी मोर्चा.
कोरेगाव : पूर्व वैमन्यासातून शंभू बबन बर्गे याचा धारदार शस्त्राने खून झाल्यानंतर आरोपीच्या अटकेच्या मागणीसाठी आज बुधवारी सकाळपासून कोरेगावात कडकडीत बंद पाळण्यात आला आहे. कोरेगाव शहरात काल रात्रीपासूनच तणावपूर्ण वातावरण असून शहराला पोलीस छावणीचे स्वरूप आले आहे. आरोपींना तत्काळ अटक करण्यात यावी या मागणीसाठी नागरिकांनी मोर्चाही काढला. पूर्वीचा राग डोक्यात ठेवून धारदार शस्त्राने छातीत वार करुन युवकाचा खून करण्यात आला होता.या घटनेनंतर कोरेगावमध्ये तणावाचे वातावरण निर्माण झाले. ही घटना सोमवारी रात्री साडेदहाच्या सुमारास घडली होती. पोलिसांनी समजूत काढल्यानंतर तणावपूर्ण वातावरणात अंत्यसंस्कार करण्यात आले होते. शंभूच्या खूनप्रकरणी कोरेगावचे उपनगराध्यक्ष जयवंत पवार यांचेही नाव फिर्यादीमध्ये आहे.