कराडात काँग्रेसचा आक्रोश-मशाल मोर्चा; मोदी सरकारविरोधात घोषणाबाजी 

मोदी सरकारच्या फसव्या घोषणा यांचा पर्दाफाश करण्यासाठी युवा आक्रोश-मशाल मोर्चाचे आयोजन करण्यात आले होते

कराड - महाराष्ट्र प्रदेश युवक काँग्रेसच्या वतीने शुक्रवारी कराड शहरात मशाल मोर्चा काढण्यात आला. मोर्चात गेल्या ९ वर्षात मोदी सरकारने दिलेली खोटी आश्वासने, वाढलेली बेरोजगारी, महागाई, भ्रष्टाचार, सरकारी नोकर भरती व स्पर्धा परीक्षेतील घोटाळा, महिलांवरील अत्याचार, शेतकरी विरोधी धोरण आदींचा समाचार घेण्यात आला.

मोदी सरकारच्या फसव्या घोषणा यांचा पर्दाफाश करण्यासाठी युवा आक्रोश-मशाल मोर्चा चे आयोजन करण्यात आले होते. मशाल मोर्चा छत्रपती शिवाजी महाराज पुतळा दत्त चौक येथून यशवंतराव चव्हाण समाधी पर्यंत काढण्यात आला.

यावेळी महाराष्ट्र प्रदेश युवक काँग्रेसचे प्रभारी उदय भानू चीब, सहप्रभारी एहसान खान, प्रदेशाध्यक्ष कुणाल राऊत, प्रदेश उपाध्यक्ष शिवराज मोरे, प्रवक्ते म दीपक राठोड, महासचिव श्रीनिवास नालमवार, प्रदेश सरचिटणीस तारिक बागवान, सातारा जिल्हा प्रभारी अनिकेत नवले, सातारा जिल्हाध्यक्ष अमरजीत कांबळे, कार्याध्यक्ष अमित जाधव, कराड दक्षिण युवक काँग्रेसचे अध्यक्ष दिग्विजय पाटील, सोशल मीडिया जिल्हाध्यक्ष अजित केंजळे, कराड उत्तर काँग्रेस कमिटी अध्यक्ष निवास थोरात, कराड शहर काँग्रेस अध्यक्ष ऋतुराज मोरे, युवा नेते इंद्रजित चव्हाण, प्रदीप जाधव, अशोकराव पाटील, देवदास माने, गणेश उबाळे, राजेंद्र यादव, श्रीकांत मुळे, अभिजित चव्हाण, दिग्विजय सूर्यवंशी, मुबीन बागवान आदी पदाधिकारी यावेळी उपस्थित होते.