गावोगावी युवकांची फळी निर्माण करा !

पृथ्वीराज चव्हाण : नडशीत भूमिपूजन

कोपर्डे हवेली : ‘आगामी होणाऱ्या निवडणुकीसाठी काँग्रेस पक्षाच्या माध्यमातून गावोगावी युवकांची फळी निर्माण करा. पक्षवाढीसाठी प्रयत्न करा,’ असे प्रतिपादन माजी मुख्यमंत्री पृथ्वीराज चव्हाण यांनी केले.नडशी, ता. कऱ्हाड येथे आमदार पृथ्वीराज चव्हाण यांचा ग्रामस्थांच्या हस्ते सत्कार करण्यात आला. यावेळी ७६ लाखांच्या विकास कामांचे भूमिपूजनही करण्यात आले. यावेळी ते बोलत होते.यावेळी आमदार आनंदराव पाटील, धैर्यशील कदम, अजित पाटील, सुनील पाटील, दिलीप जाधव, शिवराज मोरे, हिंदुराव पाटील, राहुल चव्हाण, इंद्रजित चव्हाण, भरत माने, अविनाश नलवडे, नितीन माने, नडशी गावचे उपसरपंच निवास थोरात, आनंदराव थोरात, संभाजी थोरात व यशवंत माने आदींसह ग्रामस्थ उपस्थित होते.आमदार चव्हाण म्हणाले, ‘नडशी गाव व परिसरात निवासराव थोरात यांनी युवकांची चांगली फळी निर्माण करत गट बांधला आहे. त्यांच्यासारख्या कार्यकर्त्यांची काँग्रेसला गरज आहे. नडशीमध्ये ७६ लाखांची कामे होत आहेत. तर काही पूर्ण झाली आहेत. सध्याचे सरकार शेतकऱ्यांना व सर्वसामान्यांना न्याय देऊ शकत नाही. त्याचा अनुभव जनतेला येण्यास सुरुवात झाली आहे. सरकारच्या अच्छे दिनाची व्याप्ती पहिल्याच वर्षी संपुष्टात आल्याने भविष्यात हे सरकार खुप काही भव्यदिव्य काम करेल, असे अजिबात वाटत नाही. ’यावेळी आमदार आनंदराव पाटील यांनी मनोगत व्यक्त केले. कार्यक्रमाचे भरत माने यांनी प्रास्ताविक केले. सतीश थोरात यांनी आभार मानले. या कार्यक्रमास परिसरातील नागरिक, विविध क्षेत्रातील मान्यवर, ग्रामस्थ, ग्रामपंचायत सदस्य व स्थानिक नेते उपस्थित होते. (वार्ताहर)