सातारा : उन्हाळ्याच्या दिवसांत लिंबू सरबतला मोठ्या प्रमाणात नागरिकांकडून मागणी केली जात आहे. परिणामी येथील बाजारपेठेत लिंबाची खरेदी-विक्री वाढली आहे. दहा रुपयांना चार ते पाच लिंबूंची विक्री विक्रेत्यांकडून होत आहे. पाच रुपयांपर्यंत लिंबू मिळत आहे.
बचतगटांची लगबग
सातारा : तौक्ते वादळ पुढं सरकल्यानंतर उन्हाळी पदार्थ बनविण्यासाठी सध्या ग्रामीण व शहरी भागातील बचत गटातील महिलांची लगबग सुरू आहे. कुरवड्या, भातवडी, चटणी, लोणचे असे पदार्थ बनवून त्याची मोठ्या प्रमाणात विक्री केली जात आहे. त्यातून बचतगटांना पैसे मिळतात.
मोकाट जनावरांचा त्रास
सातारा : मोकाट जनावरांच्या झुंडीच्या झुंडी फिरत असून, अनेकदा ही जनावरे रस्त्यावरच ठाण मांडून बसत आहे. नागरिकांबरोबरच वाहनधारकांनाही याचा नाहक त्रास होत आहे. या जनावरांचा तातडीने बंदोबस्त करण्याची मागणी होत आहे.
कलिंगडाला मागणी
सातारा : उन्हाळ्याची तीव्रता दिवसेंदिवस वाढत असल्याने गारवा देणारी कलिंगड व टरबुजे विक्रीसाठी परिसरात दाखल झाले आहेत. संचारबंदीमुळे रस्त्याशेजारी सकाळी ११ वाजेपर्यंत याची विक्री सुरू असते.
...................