यावेळी मलकापूरच्या समुदाय आरोग्य अधिकारी डॉ. देसाई, मुख्याध्यापिका सुलोचना भिसे, पर्यवेक्षक सुरेश राजे, आरोग्यसेविका सुलोचना पावणे, अनुसया भोसले यांची उपस्थिती होती.
मैदानात खेळत असताना मुलांकडे नीट लक्ष न दिल्यास अनेक आजारांना निमंत्रण मिळते. त्यामध्ये कृमीदोष हा लहान वयात सहज होणारा व गंभीर आजार आहे. कृमी दोषाचे गांभीर्य लक्षात घेता, तो समूळ नष्ट करण्यासाठी शासनाने विविध उपक्रम राबवले आहेत. या मोहिमेंतर्गत १ ते १९ वर्षे वयोगटातील लाभार्थींना अल्बेंडेझॉलची गोळी मोफत देण्यात येणार असल्याचे वैद्यकीय अधिकारी डॉ. तबस्सुम कागदी यांनी यावेळी सांगितले.
मुख्याध्यापिका सुलोचना भिसे म्हणाल्या, आरोग्य चांगले ठेवणे, पोषण स्थिती व जीवनाचा दर्जा उंचावणे हा राष्ट्रीय जंतनाशक दिनाचा उद्देश आहे. तेव्हा सर्व विद्यार्थिनींनी या मोहिमेस सहकार्य करावे. या राष्ट्रीय जंतनाशक दिन मोहिमेमध्ये सहभागी होणे सर्व पालकांचे राष्ट्रीय कर्तव्य आहे. आपल्या मुला-मुलींना या मोहिमेमध्ये जंतनाशक औषध घेण्यास प्रवृत्त करावे, येणारी पिढी सशक्त आणि सुदृढ करावी.
यावेळी सर्व शिक्षक, शिक्षिका, शिक्षकेतर कर्मचारी उपस्थित होते
फोटो : ०३केआरडी०३
कॅप्शन : मलकापूर येथील कन्या शाळेत विद्यार्थिनींना जंतनाशक गोळ्यांचे वाटप करण्यात आले. यावेळी वैद्यकीय अधिकारी डॉ. तबस्सुम कागदी, मुख्याध्यापिका सुलोचना भिसे यांच्यासह आरोग्य सेविका उपस्थित होत्या.