कोरेगाव : कोरेगाव तालुका वकील संघटनेची २०२१-२२ ची कार्यकारिणी जाहीर झालेली असून, अध्यक्षपदी अशोककुमार वाघ यांची, तर उपाध्यक्षपदी इरफान जमादार आणि सचिवपदी नीलेश झांजुर्णे यांची एकमताने निवड करण्यात आली आहे.
महाराष्ट्र व गोवा बार असोसिएशनचे अध्यक्ष वसंतराव भोसले यांच्या नेतृत्वाखाली झालेल्या या निवडणुकीत वरील पदाधिकारी व कार्यकारिणी सदस्यांची निवड करण्यात आली. निवडणूक निर्णय अधिकारी म्हणून एस. एस. साखरे व आर. एस. मुळे यांनी काम पाहिले.
कार्यकारिणी पुढीलप्रमाणे : सहसचिव- ओमकार शेटे, खजिनदार अमर शिर्के, सदस्य मंगेश बळे, शीतल साळुंखे, श्‍वेता भातखंडे, महिला प्रतिनिधी : गायत्री भूतकर.
निवडणूक प्रक्रिया बिनविरोध करण्यासाठी जयवंतराव केंजळे, तानाजीराव पवार, शशिकांत क्षीरसागर, जयप्रकाश भूतकर, पुरुषोत्तम बारसावडे यांच्यासह आजी-माजी पदाधिकारी व सदस्यांनी परिश्रम घेतले. नूतन पदाधिकाऱ्यांचे पालकमंत्री बाळासाहेब पाटील, खासदार श्रीनिवास पाटील, आमदार महेश शिंदे, आमदार शशिकांत शिंदे, विजयराव कणसे, कोरेगावचे मुख्य न्यायाधीश जी. एस. माने, सहन्यायाधीश ए. एस. जगताप यांच्यासह विविध संस्थांचे पदाधिकारी व मान्यवरांनी कौतुक केले.