तो गाडीतच गेला तर...

काही दिवसांपूर्वी साताऱ्यातील एका चौकात एक मद्यपी भर रस्त्यातच पडला होता. काही वेळात त्याच्या नाका-तोंडातूून रक्त वाहू लागले. तो जोरजोेरात रस्त्यावर डोके व हातपाय आपटू लागला. काही तरुणांना त्याची ही तडफड बघवली नाही. काहींनी तातडीने रुग्णवाहिकेला फोन केला, तर काहींनी पोलिसांना कळविले. दहा मिनिटांनतर एका डॉक्टर महाशयांची गाडी या चौकात आली. डॉक्टर गाडीतून उरतले. मद्यपीला लांबूनच पाहिलं अन् निघून गेले. काही वेळात पोलीस गाडी आली. तरुणांनी पोलिसांना ‘तुमच्या गाडीत याला घेऊन जावा की’ असं सांगितलं. यावर संबंधित कर्मचाऱ्याने ‘आम्हाला नेता येत नाही. जर तो गाडीतच गेला तर’ पोलिसांच्या या उत्तरानंं तरुणही अचंबित झाले. अखेर रुग्णवाहिका आली आणि मद्यपीला रुग्णालयात घेऊन गेली.