वहागाव ग्रामपंचायत पंचवार्षिक निवडणुकीत परिवर्तन पॅनेलचे रंजना वसंतराव पवार, संतोष दिनकर कोळी, संग्राम अधिकराव पवार, हणमंत चंद्रकांत शिंदे, सुजाता विश्वास पुजारी, धनंजय वसंतराव पवार, आनंदी दिलीप पवार, शिला सुहास पवार हे आठ उमेदवार विजयी झाले. तर सहकार पॅनेलचे तुषार बाजीराव पवार, वनिता विलास ताटे, स्वप्नाली हिंदूराव पवार हे उमेदवार विजयी झाले.
वहागाव ग्रामपंचायतीच्या राजकारणामध्ये मोठे बदल झाले असून, गावाने जुन्या नेतेमंडळींना बगल देत नवीन चेहरे निवडून दिले आहेत. यामध्ये परिवर्तन पॅनेलच्या सर्वपक्षीय लोकांनी युवा चेहरे, स्वच्छ व पारदर्शक कारभाराच्या मुद्द्यावर एकत्र येऊन निवडणुकीस सामोरे गेले होते. गावातील सत्ताधाऱ्यांना सत्तेपासून दूर ठेवण्यासाठी परिवर्तन पॅनेलने सर्वसामान्य कुटुंबातील उमेदवार रिंगणात उतरवले होते. नेहमी सत्तेत असणाऱ्या सहकार पॅनेलला सत्तेपासून रोखण्यास परिवर्तन पॅनेलला यश आले आहे.
फोटो : २०केआरडी०४
कॅप्शन : वहागाव, ता. कऱ्हाड येथे सत्तांतर घडविल्यानंतर परिवर्तन पॅनेलच्या विजयी उमेदवारांसह समर्थकांनी गुलालाची उधळण करून जल्लोष केला.