शहरं
Join us  
Trending Stories
1
Ratan Tata News Live:अमित शाह, एकनाथ शिंदे, फडणवीसांनी टाटांना वाहिली श्रद्धांजली; अखेरच्या निरोपासाठी भलीमोठी रांग
2
PAK vs ENG : मुल्तानमध्ये इंग्लंड 'सुल्तान'! ऐतिहासिक आकडा अन् विश्वविक्रम; भारताचा विक्रम मोडला
3
रिस्क घ्यायची नसेल तर 'या' सरकारी स्कीममध्ये गुंतवा पैसा; रिटायरमेंटपर्यंत व्हाल २,२६,९७,८५७ रुपयांचे मालक
4
कार नको, सायकल वापर... ऐकताच चालत गेले; जर त्याच क्षणी मनावर ताबा ठेवला नसता तर 'रतन टाटा' बनले नसते
5
भारत बनवणार अण्वस्त्रांनी सुसज्ज दोन पाणबुड्या! केंद्राची ४० हजार कोटींच्या प्रकल्पाला मंजुरी
6
एक लाखाचं बक्षीस… विकत होता भंगार; भारतात परतताच जावेदला दिल्ली विमानतळावर अटक!
7
भयंकर! बायकोला मिळालेल्या योजनेच्या पैशातून नवरा प्यायला दारू अन् उचललं टोकाचं पाऊल
8
"घरातून बाहेर पडताना त्यांनी..."; टाटांची आठवण सांगताना पीयूष गोयल रडू लागले
9
Ratan Tata Death News : "मी गेल्यानंतरही कंपनी सुरू ठेवा"; रतन टाटांनी केली होती सूचना, पुण्यातील 'त्या' प्लांटमध्ये आजही काम सुरूच
10
Ratan Tata News : 'ही' ठरली रतन टाटांची अखेरची डील, मिळवला होता २३,००० टक्क्यांचा नफा; कोणता होता व्यवहार?
11
Ratan Tata : रतन टाटांना मरणोत्तर 'भारतरत्न' मिळणार? राज्य मंत्रिमंडळाच्या बैठकीत प्रस्ताव मंजूर
12
चलो भगवान भक्तीगड! धनंजय मुंडे पहिल्यांदाच बहीण पंकजासोबत सावरगाव घाटला जाणार
13
हरयाणात भाजप दलित नेत्याला उपमुख्यमंत्री करणार का? राजकीय चर्चांना उधाण
14
चिडलेल्या स्थितीत दुकानाबाहेर पायऱ्यांवरच का बसून राहिली IAS अधिकारी टीना डाबी?
15
टाटा, गोदरेज, भाभा! इराण या बड्या हस्तींना मुकला...; पारशी समाज भारतात आलाच नसता तर... 
16
'तुम्हाला भेटायचं राहूनच गेलं..'; रतन टाटांवर धर्मेंद्र यांची डोळ्यात पाणी आणणारी पोस्ट
17
रुबिना दिलैकने केला रॅम्प वॉक, पडता पडता वाचली; नंतर अभिनेत्रीच्या 'त्या' कृतीचं होतंय कौतुक
18
पैसाच पैसा! घरात सर्वत्र नोटांचे बंडल; नवऱ्यानेच केला लाचखोर इंजिनिअर बायकोचा पर्दाफाश
19
"माझा क्रिकेटशी काहीही संबंध नाही"; असं का म्हणाले होते Ratan Tata?
20
PAK vs ENG : WHAT A MATCH! सपाट खेळपट्टीवर पाकिस्तान 'भुईसपाट', इंग्लंडकडून बेक्कार धुलाई

नरेंद्र मोदी हे केवळ गुजरातचे पंतप्रधान

By लोकमत न्यूज नेटवर्क | Published: May 22, 2021 4:36 AM

सातारा : तौक्ते चक्रीवादळामुळे देशाच्या पश्चिम किनारपट्टीवरील पाच राज्यांना मोठा फटका बसला आहे. मात्र, पंतप्रधान नरेंद्र मोदी यांनी केवळ ...

सातारा : तौक्ते चक्रीवादळामुळे देशाच्या पश्चिम किनारपट्टीवरील पाच राज्यांना मोठा फटका बसला आहे. मात्र, पंतप्रधान नरेंद्र मोदी यांनी केवळ गुजरात राज्याची हवाई पाहणी करून या राज्याला एक हजार कोटी रुपयांची मदत जाहीर केली. बाकीच्या राज्यांना मात्र केंद्राने कोणतीच मदत दिलेली नाही. त्यामुळे मोदी हे केवळ गुजरातचे पंतप्रधान आहेत का? अशी टीका माजी मुख्यमंत्री आमदार पृथ्वीराज चव्हाण यांनी केली.

येथील काँग्रेस कमिटीमध्ये दिवंगत पंतप्रधान राजीव गांधी यांच्या स्मृतिदिनानिमित्त त्यांना अभिवादन करण्यासाठी ते आले होते. अभिवादन कार्यक्रमानंतर प्रसारमाध्यमांशी बोलताना त्यांनी केंद्र सरकारवर जोरदार टीका केली.

समुद्रात ओएनजीसीचे जहाज बुडून जवळपास ८७ लोक बेपत्ता झाले. त्यामध्ये ५० ते ६० मृतदेह सापडले आहेत. या घटनेची केंद्र सरकारने चौकशी लावली आहे. तेल खात्याच्या अधिपत्याखालील चौकशी समिती ही पक्षपातीपणाने ही चौकशी करणार नसल्याने काँग्रेस पक्षाला ही मान्य नाही. आता शिपिंग खात्याच्या अधिपत्याखाली केंद्राने ही चौकशी लावलेली आहे. वादळाचा इशारा दिला असतानाही तो डावलून समुद्रात कोणाच्या आदेशावरून नेण्यात आले, त्याची सखोल चौकशी केली जावी, अशी काँग्रेसची मागणी आहे.

दरम्यान, केंद्र सरकारने कोरोना महामारीचा धोका ओळखून योग्यवेळी लसीकरणाला परवानगी दिली नाही. आता राज्याने लस घेऊन नागरिकांना द्यावी, असे केंद्र सरकारचे म्हणणे आहे. टेंडर पद्धतीने लसी खरेदी करण्याचे केंद्र सांगत आहे. असे केले तर चढाओढ लागून जास्त किमतीने लस खरेदी करावी लागेल आणि त्याचा भुर्दंड जनतेवर पडणार आहे.

वास्तविक, ही महामारी राष्ट्रीय आपत्ती असल्याने केंद्राच्या खजिन्यातून लस खरेदी करून ती प्रत्येक नागरिकाला मोफत देण्यात यावी, अशी काँग्रेसची मागणी आहे. महामारी रोखण्यासाठी केंद्र सरकारने ३५ हजार कोटी रुपये अंदाजपत्रकात निधी राखून ठेवला आहे. या निधीचे काय होणार आहे? असा प्रश्न उपस्थित करून आमदार चव्हाण यांनी, नागरिकांना मोफत लस देण्यासाठी केंद्र सरकारने कर्ज काढावे असे सुचवले आहे.

यावेळी काँग्रेसचे जिल्हाध्यक्ष डॉ. सुरेश जाधव, शिवराज मोरे, बाबासाहेब कदम, रजनी पवार, मनोजकुमार तपासे, धनश्री महाडिक, विराज शिंदे, मनोहर शिंदे, अन्वर पाशा खान, दत्तात्रय धनवडे, प्रकाश फारांदे, नाना लोखंडे, राजेंद्र शेलार, बाबूराव शिंदे, चिन्मय जंगम, अमर करंजे आदी उपस्थित होते.

राजीव गांधींचे शिक्षण क्षेत्रातील कार्य महान

दिवंगत पंतप्रधान राजीव गांधी यांनी शिक्षण क्षेत्रात मोठी क्रांती घडवून आणली. नॅशनल ओपन युनिव्हर्सिटी जवाहर नवोदय विद्यालयाची स्थापना त्यांनी करून दूरगामी शैक्षणिक क्रांती घडवून आणली आहे, अशा शब्दांत आमदार चव्हाण यांनी राजीव गांधी यांच्या स्मृतींना उजाळा दिला.