सातारा : सातारा जिल्हा क्रिकेट असोसिएशनच्या नुकत्याच झालेल्या वार्षिक सर्वसाधारण सभेत अध्यक्षपदी निशांत गवळी व सचिवपदी केतन दोशी यांची एकमताने निवड झाली. सभेच्या अध्यक्षस्थानी सुरेश साधले होते.
संस्थेची नवनिर्वाचित कार्यकारिणी एकमताने निवडण्यात आली. यामध्ये उपाध्यक्षा म्हणून अ‍ॅड. कमलेश पिसाळ व कऱ्हाड येथील सुधीर एकांडे तर सहसचिव म्हणून मयूर कांबळे व विनोद वांद्रे यांची निवड करण्यात आली. खजिनदारपदी ईर्शाद बागवान राहतील. कार्यकारिणी सदस्य म्हणून धनंजय कान्हेरे, जयदीप महाजनी, भालचंद्र निकम, सुरेश गुप्ता, सदानंद प्रधान यांची निवड करण्यात आली. सातारा येथे क्रिकेटसाठी मैदान उभारण्याचा मनोदय यावेळीही सर्वांनी बोलावून दाखवला व त्यानुसार कार्यवाही करण्याचे अधिकार नवनिवार्चित कार्यकारिणीत स्वीकारावेत असे ठरले. साताऱ्यातील ज्येष्ठ क्रिकेट संघाची सल्लागार समिती नेमावी व त्यांच्या मार्गदर्शनाखाली जिल्ह्यात क्रिकेटचा प्रचार व प्रसार जोमाने करावा असा निर्णय घेण्यात आला. सचिव अ‍ॅड. कमलेश पिसाळ यांनी आभार मानले.