Dhanashree Verma Dance Video: टीम इंडियाचा अनुभवी फिरकी गोलंदाज युझवेंद्र चहल याची पत्नी धनश्री वर्मा तिच्या ग्लॅमरस लूक आणि दमदार डान्स व्हिडिओंमुळे नेहमीच चर्चेत असते. अलीकडेच तिने सोशल मीडियावर एक व्हिडिओ शेअर केला. त्या व्हिडीओमध्ये ती 'रा रा रेड्डी' या सुपरहिट तेलगू गाण्यावर अप्रतिम डान्स करताना दिसत आहे. हे गाणे अभिनेता नितीन आणि अंजली यांच्यावर चित्रित करण्यात आले असून हे गाणं लोकप्रिय तेलुगू डान्स नंबर आहे. धनश्रीचा या गाण्यावरचा डान्स व्हिडीओ चाहत्यांना खूप आवडतोय आणि तिची खूप स्तुती केली जात आहे.
व्हायरल होत असलेल्या व्हिडिओमध्ये धनश्री तिच्या डान्स पार्टनर सोबत डान्स करताना दिसत आहे. तुम्हाला हा दमदार डान्स परफॉर्मन्स पुन्हा पुन्हा पाहायला नक्कीच आवडेल. या व्हिडिओला २० लाखांहून अधिक व्ह्यूज मिळाले आहेत.
पाहा धनश्रीचा भन्नाट डान्स-
धनश्रीने #rarareddyiamready हॅशटॅगसह हा व्हिडिओ इन्स्टाग्रामवर शेअर केला आणि लिहिले आहे, 'मी ट्रेंडिंग गाण्यावर डान्स करण्यासाठी नेहमीच तयार असते.' एका दिवसातच या हा व्हिडिओ सोशल मीडियावर व्हायरल झाल्याचं दिसलं. लोकांना हा व्हिडिओ खूप आवडला आहे. आतापर्यंत सुमारे ४ लाखांहून अधिक लोकांनी या व्हिडीओला लाईक केले आहे. त्याचबरोबर या व्हिडिओवर अनेकांनी आपल्या कमेंट्सदेखील दिल्या आहेत.