आपल्या देशात प्रत्येक समस्येचं सोल्यूशन काढण्यासाठी एक ट्रिक फारच वापरली जाते. देशी जुगाडच अशी एक ट्रिक आहे ज्याने मोठ्या मोठ्या समस्या चुटकीसरशी दूर केल्या जाऊ शकतात. इतकंच नाही तर लोक देशी जुगाड करून अनेक टेक्निकही काढतात. त्यासोबतच अनेकदा महागड्या वस्तू स्वस्त बनवण्यासाठी लोक देशी जुगाडचा वापर करतात. सोशल मीडियावर असाच एक देशी जुगाडचा व्हिडीओ व्हायरल झाला आहे.
बऱ्याच लोकांचं स्वप्न असतं की, त्यांनी रस्त्यावर शानदार मोठी कार चालवावी. पण महागडी गाडी असल्याने ही स्वप्ने अधुऱेच राहतात. अशात लोक आपले शौक पूर्ण करण्यासाठी देशी जुगाडाचा आधार घेतात. असाच एक व्हिडीओ सोशल मीडियावर व्हायरल झाला आहे. एका व्यक्तीने त्याची ऑोटोरिक्षा अशी काही मॉडीफाय केली की, ती बघायला स्कॉर्पिओ कारच दिसते.
व्हिडीओत तुम्ही बघू शकता की, जेव्हा गाडी मागून पाहिली तर ती पूर्णपण स्कॉर्पिओ कारप्रमाणेच दिसते. पण जसं समोर पाहिलं तर दिसलं की, ही तर ऑटोरिक्षा आहे. पण काही असो माणसाच्या मेहनतीचं लोक भरभरून कौतुक करत आहेत. कारण त्याने त्याचा रिक्षा पूर्णपणे स्कॉर्पिओ लूकमध्ये बदलला आहे. हा काही सेकंदाचा व्हिडीओ इन्स्टाग्रामवर शेअर करण्यात आला आहे. कार फॉरएव्हर नावाच्या पेजवर काह व्हिडीओ शेअर केला आहे.