टोमॅटो चाटचा (Tomato Chaat) आस्वाद तुम्ही बर्‍याचदा घेतला असेल, पण ताजे टोमॅटो आणि मसाल्यांनी बनवलेली ही डिश खूप चविष्ट असते. पण टोमॅटो वाळूत भाजल्यानंतर (Tomato roast in Sand) टोमॅटो चाट कधी ऐकले आहे का? सध्या टोमॅटो चाटची एक विचित्र रेसिपी व्हायरल होत आहे. हे ऐकून तुम्हाला थोडं आश्चर्य वाटलं असेल. पण सध्या एक व्हिडीओ खूप व्हायरल होत आहे. ज्यात एक लहान मुलगा गरम वाळूत टोमॅटो भाजून त्यातून चाट बनवत आहे. काही वेळातच त्याचा व्हिडिओ इंटरनेटवर व्हायरल झाला आहे.
व्हायरल होत असलेल्या व्हिडीओमध्ये तुम्ही पाहू शकता की, एक लहान मुलगा गरम वाळूमध्ये टोमॅटो भाजत आहे. टोमॅटोचा वरचा थर थोडा काळा पडू लागल्यावर स्वच्छ पाण्यात चांगले धुवून पानाच्या प्लेटवर ठेवून त्याचे अनेक तुकडे करुन नंतर चटणीबरोबर सर्व्ह करतो.
हा व्हिडिओ सोशल मीडियावर येताच लोकांनी त्यावर आपल्या प्रतिक्रिया नोंदवायला सुरुवात केली आहे. एका युजरने लिहीले की, ‘तो रोज खूप मेहनत करतो आणि आपल्या ग्राहकांना चविष्ट चाट देतो.’ दुसर्‍या युजरने लिहिले, ‘त्या व्यक्तीला भट्टीसमोर काम करणे कठीण असावे.’ व्हिडिओवर कमेंट करताना दुसऱ्या यूजरने म्हटले आहे. , ‘व्यक्तीने टोमॅटोवर खरोखरच प्रयोग करुन नवीन डिश बनवली आहे.