राजधानी दिल्लीमध्ये कोरोना व्हायरसची प्रकरणं वाढत आहेत. काही लोक नियमांचे अनुसरण करीत आहेत आणि काही लोक ते तोडण्यासाठी कोणतीही कसर सोडत नाहीत. रविवारी, दिल्लीच्या दर्यागंज भागात, दिल्ली पोलिसांनी पती-पत्नीनं मास्क लावला नसल्यामुळे त्यांच्या गाडीला रोखले. त्यानंतर एक अनपेक्षित प्रकार घटला.
स्वतः मास्क लावलेला नसतानाही ही महिला आणि या माणसानं पोलिसांना उलट सुलट बोलायला सुरूवात केली. लॉकडाऊनचे नियम मोडल्याबद्दल यांच्यावर गुन्हा दाखल करण्यात आला आहे. आयएएस अधिकारी अवनीश शरण (आयएएस अधिकारी अवनीश शरण) यांनी व्हायरल झालेल्या व्हिडिओवर प्रतिक्रिया दिली आहे.
व्हायरल व्हिडिओमध्ये महिला आणि तिचा पती पोलिस कर्मचार्‍यांशी गैरवर्तन करीत आहेत. पोलिसांनी सांगितले की, या जोडप्याने कर्फ्यू पासदेखील घेतला नव्हता. जेव्हा पोलिसांनी त्यांना थांबवले तेव्हा महिलेने गाडीचे काच उघडले आणि म्हणाली, "मी माझ्या पतीला किस करेल, तू मला थांबवशील का?" पोलिसांशी चढ्या आवाजात बोलत असताना या महिलेचा पतीसुद्धा तिला पाठिंबा देत पोलिसांना अपशब्द वापरतो. ही संपूर्ण घटना कॅमेरात कैद झाली आहे.
एलन मस्कच्या गर्लफ्रेन्डने शेअर केला टॉपलेस फोटो, दाखवला पाठीवर काढलेला विचित्र टॅटू!
व्हिडिओ शेअर करताना आयएएस अधिकारी अवनीश शरण यांनी कॅप्शनमध्ये लिहिले आहे की, 'यूपीएससी मेन्स क्लिअर केलेल्या मॅडम. कर्तव्यावर असलेल्या पोलिसांना काय शिक्षा आहे, कृपया त्यांना समजावून सांगा. १९ तारखेला सकाळी हाा व्हिडीओ सोशल मीडियावर शेअर करण्यात आला होता.
आतापर्यंत या व्हिडीओला लाखो व्हिव्हज मिळाले असून १४ हजारांपेक्षा जास्त लोकांनी लाईक्सचा वर्षाव केला आहे. ३ हजारांपेक्षा जास्त रिट्विट्स या व्हिडीओला मिळाले आहेत. कमेंट्स सेक्शनमध्ये लोकांना या व्हिडीओवर टिका केली आहे.