Singing Donkey Viral Video: जेव्हा जेव्हा गाढव या प्राण्याची चर्चा होते तेव्हा मनात नेहमी स्वभावाने गरीब, ओझी उचणारा प्राणी अशीच प्रतिमा उभी राहते. या प्राण्याला कोणीही फारशी पसंती देत नाही. इतकंच नाही तर एखाद्याला टोचून बोलायचं असेल तर तेव्हाही गाढवाचा उल्लेख केला जातो. पण आता गाढवाचा असा एक व्हिडिओ समोर आला आहे, जो कदाचित त्याची गमावलेला 'इभ्रत' त्याला परत मिळवून देऊ शकेल. कारण, हा व्हिडीओ पाहून लोक त्याच्या आवाजाचे नक्कीच फॅन होतील. बघूया या व्हिडिओमध्ये नक्की असं आहे तरी काय...
व्हिडिओमध्ये ज्या गाढवाबद्दल बोलले जात आहे, त्याने आपल्या 'मधुर आवाजाने' सर्वांनाच हैराण केले आहे. कर्कश आवाजात रेकणाऱ्या गाढवाने चक्क आपल्या सुरांची समज दाखवून दिली आहे की काय असा विचार लोक करत आहेत. हा व्हिडीओ रस्त्यावरून जाणाऱ्याने एकाने बनवला आहे, जो सध्या व्हायरल झाला आहे. व्हिडिओमध्ये गाढव वेगवेगळे आवाज काढताना दिसत आहे. पाश्चिमात्य देशात ऑपेरा हा संगीत प्रकार खूप लोकप्रिय आहे. त्यासाठी ज्या प्रकारची सूराची समज किंवा आवाजाचा पोत हवा तसाच आवाज या गाढवाचा आहे की काय असं अनेकांना वाटतंय. कारण अनेकांना ते एखाद्या ऑपेरासारखे वाटत आहे. पाहा व्हिडीओ-
गाढवाचा हा व्हिडिओ सोशल मीडिया प्लॅटफॉर्म इन्स्टाग्रामवर unilad नावाच्या अकाऊंटवर शेअर करण्यात आला आहे. युजरने कॅप्शन दिले आहे - The voice of an angel. अपलोड केलेला हा व्हिडिओ इंटरनेटवर तुफान व्हायरल झालाय. आतापर्यंत सुमारे 40 हजार लोकांनी त्याला लाईक केले आहे, तर अनेकांनी आपल्या प्रतिक्रियाही दिल्या आहेत. एका युजरने लिहिले आहे की, विश्वास बसत नाही की एखादे बेशिस्त गाढवही इतके मधुर असू शकते. तर, दुसऱ्याने लिहिले आहे, तो गाणे म्हणत असल्याचे दिसते. आणखी एका युजरने आश्चर्याने विचारले की तो ओपेरा गातोय का? एकंदरीतच गाढवाने आपल्या आवाजाने सर्वांनाच हैराण केले आहे.