VIDEO : लग्नाआधी नवरदेवाची फ्री स्टाइल हाणामारी, तलवारीनेच केली एकाला मारहाण

मीडिया रिपोर्टनुसार, नवरदेव एका व्यक्तीला लाथा-बुक्क्या मारत होता आणि लोक गपचूप हा प्रकार बघत होते. अशात नवरदेवाचा हा मारहाणीचा प्रकार कुणीतरी रेकॉर्ड केला.

मध्य प्रदेशच्या सीधीमधील रामपूर नैकिनमधून नवरदेवाच्या फाइटचा एक व्हिडीओ समोर आला आहे. या व्हिडीओत नवरदेव तलवारीने एका व्यक्तीला मारहाण करताना दिसत आहे. असं सांगितलं जात आहे की, हा प्रकार तहसील कार्यालयासमोर बुधवारी सकाळी घडली.

मीडिया रिपोर्टनुसार, नवरदेव एका व्यक्तीला लाथा-बुक्क्या मारत होता आणि लोक गपचूप हा प्रकार बघत होते. अशात नवरदेवाचा हा मारहाणीचा प्रकार कुणीतरी रेकॉर्ड केला आणि हा व्हिडीओ सोशल मीडियावर व्हायरल केला. अशात हा प्रकार संपूर्ण जिल्ह्यात चर्चेचा विषय ठरत आहे.  (हे पण बघा : बाबो! भर मंडपात मुलीने नवरदेवाला केला पळून जाण्याचा इशारा? जाणून घ्या Viral व्हिडीओमागचं सत्य)

झालं असं की, राष्ट्रीय महामार्ग क्रमांक ३९ वरून नवरदेवाच्या कारला एका ट्रकने टक्कर मारली. टक्कर फार जोराची नव्हती आणि कुणाला यात इजाही झाली नाही. मात्र, नवरदेव चांगलाच संतापला. यानंतर नवरदेवासहीत त्याच्या चार-पाच नातेवाईकांनी ट्रक थांबवला आणि त्याच्या चालकाला मारहाण सुरू केलं. नातेवाईक लाथा-बुक्क्यांनी त्याला मारत होते. 

तर नवरदेव त्याची लग्नाची तलवार घेऊन चालकाला मारत होता. हा सगळा प्रकार बघण्यासाठी लोकांची मोठी गर्दी जमली होती. पण कुणीही त्यांना अडवलं नाही. दरम्यान कुणीतरी नवरदेवाचा व्हिडीओ फोनमध्ये  रेकॉर्ड केला. नंतर स्थानिकांनी मध्यस्थी करत वाद मिटवला.