शहरं
Join us  
Trending Stories
1
Maharashtra Vidhan Sabha Election 2024: 'शरद पवारांचे नाव घेतलं की अंगावर काटा येतो, त्यांच्यावर बोलणं..."; नरहरी झिरवाळांनी स्पष्टच सांगितलं
2
सुनील केदार समर्थकांच्या बंडखोरीनं मविआत संताप; ठाकरे-पवारांच्या उमेदवारांना फटका?
3
लिव्ह इनमध्ये राहणाऱ्या युवतीच्या मृत्यूचं रहस्य; फ्लॅटमध्ये आढळला मृतदेह
4
देवेंद्र फडणवीसांच्या सुरक्षेत अचानक वाढ, तपास यंत्रणा अलर्ट; नेमकं काय घडलं?
5
मराठा उमेदवारांबाबत रविवारी होणार निर्णय; अंतरवली सराटीत येण्याचे मनोज जरांगेंचे आवाहन
6
वेगवेगळ्या चकमकीत 3 दहशतवाद्यांचा खात्मा; ज्या घरात अडकले होते, त्यालाच जवानांनी लावली आग
7
Rajnath Singh : "अशी परिस्थिती येईल जेव्हा..."; दहशतवादी हल्ल्यांबाबत राजनाथ सिंह यांची मोठी भविष्यवाणी
8
IND vs NZ, 3rd Test Day 2 Stumps: दुसऱ्या दिवशी १५ विकेट्स; तिसऱ्या दिवशीच फुटणार विजयाचे फटाके?
9
केरळमध्ये ट्रॅक साफ करणाऱ्या कर्मचाऱ्यांना ट्रेनने उडवलं; चौघांचा मृत्यू, एकाचा मृतदेह सापडेना
10
Vidhan Sabha Election: मतदान ओळखपत्र नसेल तर काळजी नको, हे १२ पुरावे चालतील; वाचा संपूर्ण लिस्ट!
11
"अजित पवारांना घोटाळ्यावरुन ब्लॅकमेल केलं"; जयंत पाटलांच्या आरोपांवर फडणवीस म्हणाले, "त्यांचा चेहरा बघा"
12
आबांवरील टीकेनंतर नाराजी; शरद पवारांनी अजितदादांना फटकारलं, म्हणाले...
13
पवार कुटुंब एकत्र येणार? आमच्यात फक्त राजकीय मतभेद; सुनेत्रा पवारांचं मोठं विधान
14
सोमवारनंतर मतदारसंघांतील चित्र होणार स्पष्ट; विधानसभेच्या प्रचारासाठी मिळणार फक्त 'इतके' दिवस!
15
Maharashtra Vidhan Sabha Election 2024 : "दादांना विलन करण्याचा प्रयत्न असेल तर..." ; तटकरेंचा जयंत पाटलांना इशारा
16
जिद्दीला सलाम! १ कोटीची नोकरी सोडून सुरू केली कंपनी; तरुणांसाठी करतेय मोठं काम
17
शायना एनसींना इम्पोर्टेड माल म्हटल्याबद्दल अरविंद सावतांनी मागितली माफी; म्हणाले, "जाणूनबुजून मला..."
18
Maharashtra Vidhan Sabha Election 2024: सांगलीत महायुतीला मोठा दिलासा! सम्राट महाडिकांचा यू-टर्न, अपक्ष अर्ज माघार घेणार; सत्यजीत देशमुखांचा प्रचार करणार
19
खानयारमध्ये चकमक सुरूच; दहशतवादी लपलेल्या घराला स्फोटानंतर लागली भीषण आग
20
Bad Luck! कोहलीच्या बॅटनं खेळण्याची हुक्की; Akash Deep वर ओढावली Diamond Duck ची नामुष्की!

सेडमजवळ कार अपघात

By admin | Published: May 30, 2014 12:36 AM

सोलापूरचे चार ठार विष्णुदास महाराजांचा मृतांमध्ये समावेश

सोलापूर/गुलबर्गा: रिबनपल्ली वागदरी राज्य महामार्गावर सेडमच्या कुरकुंटा रंजोळ फाट्यावर गुरुवारी पहाटे २ वाजता ट्रकवर कार आदळून झालेल्या अपघातात सोलापुरातील जोशी समाजाचे प. पू. विष्णुदास महाराज यांच्यासह चार जण ठार तर अन्य पाच जण गंभीर जखमी झाले आहेत. तिरुपतीहून देवदर्शन आटोपून परतताना हा अपघात झाला. कुरकुंटानजीक वाटेत बंद पडलेल्या सिमेंटच्या ट्रकला (ए.पी.२८ व्ही ६५०२) पाठीमागून आलेल्या कारने(एम.एच.१२ एच.एन. २५५७) जोरदार धडक दिल्याने हा अपघात झाला. या अपघातात कोंडिबा नारायण सरवदे (५५), जोशी समाजाच्या तुकाराम मठाचे विष्णुदास महाराज (५०), श्रुती विनायक भोसले (७ महिने) आणि प्रीती विनायक भोसले(३) असे चार जण जागीच ठार झाले. तर विनायक कोंडिबा सरवदे (२७), मंगलाबाई कोंडिबा सरवदे (५०), राजश्री कोंडिबा सरवदे(२१), जयश्री विनायक भोसले (२४, सर्व रा. रविवारपेठ, सोलापूर) व कारचालक नागेश (३०, रा. कुंभारी) हे जखमी झाले आहेत. जखमींना गुलबर्गा येथील शासकीय रुग्णालयात दाखल करण्यात आले असून, सेडम पोलिसात या घटनेची नोंद करण्यात आली आहे. या अपघाताचे वृत्त समजताच जिल्हा पोलीस अधीक्षक डॉ. अमितसिंग, अतिरिक्त जिल्हा पोलीस अधीक्षक काशिनाथ तळकेरी, उपाधीक्षक महेश मेघण्णनवर, मळखेडचे फौजदार रविकुमार यांनी घटनास्थळी भेट दिली. अपघाताची माहिती मिळताच सरवदे यांच्या नातेवाईकांनी सेडम येथे धाव घेतली. जयश्री हिला उपचारासाठी सोलापूरला हलविण्यात आले असून, इतर चौघे गंभीर जखमी असल्याने गुलबर्गा येथील इस्पितळात उपचार सुरू आहेत. कोंडिबा सरवदे हे विष्णुदास महाराजांसह पत्नी, मुले व नातवंडांना घेऊन २५ मे रोजी तिरुपतीच्या दर्शनासाठी गेले होते. दर्शन आटोपून परतताना हा अपघात झाला. सोलापुरात अपघाताचे वृत्त समजताच रविवार पेठेतील मठाजवळ लोकांची गर्दी झाली. सायंकाळी चौघांचे मृतदेह सोलापुरात आणण्यात आले. शोकाकुल वातावरणात त्यांच्यावर अंत्यसंस्कार करण्यात आले.

---------------

अन् वास्तुशांती राहून गेली

तुकाराम महाराज मठासमोर कोंडिबा सरवदे यांनी नुकताच मोठा बंगला बांधला आहे. गृहप्रवेश केल्यानंतर मोठी वास्तुशांती करण्याचा त्यांचा इरादा होता. विष्णुदास महाराजांबरोबर त्यांचे स्नेहाचे संबंध होते. त्यामुळे तिरुपतीला सोबत येण्याचा त्यांनी आग्रह धरला. तिरुपतीचा प्रसाद आणून थाटात वास्तुशांती करण्याची त्यांनी तयारी केली होती. कार घेऊन मोठा मुलगा युवराज गोव्याला गेला होता. गोव्याहून परतताच वास्तुशांतीची मी तयारी करतो, तुम्हीच तिरुपतीला जा, असे म्हणून त्याने जाणे टाळले. पोलीस फोन करीत राहिले.... पहाटे दोन वाजेच्या सुमाराला हा अपघात झाला. अपघातठिकाणी पोलीस पोहोचल्यावर जखमींच्या खिशातील डायल क्रमांकावर त्यांनी फोन केले. पहिला फोन मुलगा युवराज याला केला, पण झोपेत त्यांना कळाले नाही. त्यानंतर पोलिसांनी त्यांच्या भावाशी संपर्क साधला. तिसरा क्रमांक मड्डी वस्तीतील जावयाला लागल्यावर संपर्क झाला. अपघात झाल्याचे पोलिसांनी सांगितल्यावर सर्व जण पहाटेच गुलबर्ग्याकडे रवाना झाले.

-----------------------------

अंत्यविधीसाठी लोटला

जनसमुदाय जोशी समाजाचे प. पू. सद्गुरू विष्णुदास महाराज यांच्या अपघाताची वार्ता कळताच रविवार पेठेतील तुकाराम महाराज मठासमोर समाजबांधव मोठ्या संख्येने जमा झाले. त्यांनी समाजातील व्यसनमुक्ती व शाकाहारासाठी विशेष काम केले. गुरुवारी रात्री चौघांचे मृतदेह सोलापुरात आणण्यात आले. अंत्ययात्रेत समाजबांधव मोठ्या संख्येने सहभागी झाले होते.