सोलापूर - पुणे-सोलापूर डेमू ट्रेन (क्रमांक-११४२१ ) तसेच दौंड-पुणे डेमू (क्रमांक-०१५२२ ) या दोन गाड्या पुणे ऐवजी हडपसरहून सोडण्याचा निर्णय रेल्वे प्रशासनाने घेतला आहे. पुणे रेल्वे स्थानकावर वाढती गर्दी तसेच गाड्यांची वर्दळ लक्षात घेऊन हा बदल केल्याची माहिती रेल्वे प्रशासनाने दिली आहे.
पुणे -सोलापूर डेमू गाडी सकाळी ८.२५ ऐवजी हडपसर रेल्वे स्थानकावरून ८.३६ वाजता सुटणार आहे. पुणे दौंड डेमू ट्रेन पुणे स्टेशनहून सकाळी ७.४० ऐवजी हडपसर रेल्वे स्थानकावरून सकाळी ७.३६ वाजता सुटणार आहे. याची प्रवाशांनी नोंद घेण्याचे आवाहन रेल्वे प्रशासनाने केली आहे.