जगन्नाथ तुकाराम शेंडगे, तानुबाई जगन्नाथ शेंडगे व बिरुदेव जगन्नाथ शेंडगे (रा. शेळकेवाडी, ता. सांगोला) अशी जखमींची नावे आहेत. त्यांच्यावर सांगोला ग्रामीण रुग्णालयात उपचार सुरू आहेत.
शेळकेवाडी येथील जगन्नाथ शेंडगे हे मंगळवारी घरासमोर असताना त्यांच्या शेजारी राहणारे भावकीतील उत्तम शेंडगे, दिलीप शेंडगे व विश्वास चोपडे यांना आमच्या शेतातून तुम्ही चारचाकी वाहन का घेऊन जाता असे विचारले. त्यावेळी उत्तम शेंडगे व दिलीप शेंडगे या दोघा बंधूंसह विश्वास चोपडे यांनी जगन्नाथ शेंडगे यांना शिवीगाळ, दमदाटी करून दिलीप शेंडगे यांनी तेथेच पडलेल्या लाकडी काठीने त्याच्या डोक्यात व नाकावर मारहाण केली, तर उत्तम शेंडगे यांनी त्याची पत्नी तानुबाई हीस लाथाबुक्क्यांनी मारहाण केली. यावेळी मुलगा बिरुदेव भांडण सोडवण्यासाठी आला असता त्याला विश्वास चोपडे यांनी गच्च धरून दमदाटी केली. राजाराम शेंडगे व सुरवंता शेंडगे यांनी शिवीगाळ, दमदाटी, मारहाण करून जीवे मारण्याची धमकी दिली. याबाबत जगन्नाथ शेंडगे यांनी फिर्याद दाखल केली आहे. पोलिसांनी दिलीप राजाराम शेंडगे, उत्तम राजाराम शेंडगे, सुरवंता राजाराम शेंडगे (रा. शेळकेवाडी), राजाराम गेनू शेंडगे (रा. धायटी) व विश्वास भोजलिंग चोपडे (रा. वाकी शिवणे) यांच्यावर गुन्हा दाखल केला आहे.