विजेचा धक्का; युवकाचा मृत्यू

 

मोहोळ : उसाला पाणी देत असताना अचानक पाण्यात पडलेल्या विजेच्या तारेला करंट आला़ तो करंट युवकाला लागल्याने त्याचा मृत्यू झाला़ ही घटना ३१ मे रोजी सकाळी ९़३० वाजता औंढी (ता़ मोहोळ) येथे घडली़ सागर दत्तात्रय माने (वय २२) असे त्या युवकाचे नाव आहे़ सागर माने हा कॅनॉलला पाणी आल्याने उसाला पाणी देत होता़ त्यावेळी विजेची तार शेतात पडली होती़ वीजपुरवठा सुरू झाल्याने अचानक करंट आला़ तो सागरला लागल्याने त्याचा जागीच मृत्यू झाला़ याबाबत मोहोळ पोलीस ठाण्यात आकस्मात मृत्युची नोंद झाली़