सोलापूर - शहरातील नवीवेस उपविभाग कार्यालयात महाराष्ट्र राज्य विद्युत वितरण कर्मचा-यावर झाडाच्या फांद्या तोडल्याच्या कारणावरुन प्राणघातक हल्ला झाला.
संतोष मुरलीधर जाधव (वय ४७) असे जखमी कर्मचा-याचे नाव असून ते नवीवेस उपविभाग सोलापूर शहर येथे कार्यरत आहेत. सोमवारी सकाळी सरस्वती चौक ते रामलाल चौक या भागात लाईन देखभाल दुरुस्तीचे काम करीत होते. लाईनमध्ये येणारी झाङांच्या फांद्या तोङत असताना पाच ते सहा जणांनी मिळून आले आणि झाङाच्या फांद्या का तोङतो ? असा जाब विचारत संतोष जाधव यांना जबर मारहाण केली.
या मारहाणीत संतोष जाधव हे जखमी झाले. त्यांना तात्काळ खासगी रुग्णालयात उपचारासाठी दाखल करण्यात आले. या घटनेनंतर महावितरणच्या कर्मचा-यांनी संताप व्यक्त केला. घटनेची माहिती मिळताच जाधव यांच्या कुटुंबियांनी आणि मित्र आप्तेष्टांनी रुग्णालयात धाव घेतली. विद्युत वितरण विभागातील अधिकारीही रुग्णालयात दाखल झाले. दरम्यान, फौजदार चावङी पोलिसांत तक्रार देण्यासाठी संतोष जाधव यांचे मित्र दाखल झाले होते.